“ഇന്ത്യക്കാർ നല്ല രീതിയിൽ പ്രവർത്തിച്ചു”: റഷ്യൻ എണ്ണ വാങ്ങാൻ ഇന്ത്യയ്ക്ക് യുഎസ് അനുമതി നൽകിയതെന്തിന് വിശദീകരിച്ച് സ്കോട്ട് ബെസന്റ്

പശ്ചിമേഷ്യയിൽ ശക്തമാകുന്ന സംഘർഷം മൂലം ആഗോള എണ്ണവിതരണത്തിൽ ഉണ്ടായ തടസ്സങ്ങളെ കുറയ്ക്കുന്നതിനായി കടലിൽ ഇതിനകം കുടുങ്ങിക്കിടക്കുന്ന റഷ്യൻ എണ്ണ ഇന്ത്യക്ക് വാങ്ങാൻ അമേരിക്ക താൽക്കാലിക അനുമതി നൽകിയതിനെ കുറിച്ച് വിശദീകരിച്ച് യുഎസ് ട്രഷറി സെക്രട്ടറി സ്കോട്ട് ബെസന്റ്. വിഷയത്തിൽ ഇന്ത്യയെ “വളരെ നല്ല രീതിയിൽ പ്രവർത്തിച്ച രാജ്യമായി” സ്കോട്ട് ബെസന്റ് വിശേഷിപ്പിച്ചു. വാഷിംഗ്ടൺ ആവശ്യപ്പെട്ടതിനെ തുടർന്ന് മുമ്പ് ഇന്ത്യ റഷ്യൻ എണ്ണ വാങ്ങൽ നിർത്തിയതായും അദ്ദേഹം പറഞ്ഞു. ഇപ്പോൾ നൽകിയ താൽക്കാലിക ഇളവ് ആഗോള വിപണിയിലെ എണ്ണവിതരണ സമ്മർദ്ദം കുറയ്ക്കാൻ സഹായിക്കുമെന്നും അദ്ദേഹം വ്യക്തമാക്കി.

ഫോക്സ് ബിസിനസിനോട് സംസാരിച്ച യുഎസ് ട്രഷറി സെക്രട്ടറി ബെസന്റ്, നിലവിലെ പ്രതിസന്ധിക്കിടെ ചെറുകാല വിതരണ കുറവ് പരിഹരിക്കാനാണ് ഈ തീരുമാനം എടുത്തതെന്ന് പറഞ്ഞു. “ ട്രഷറി വകുപ്പ് ഇന്ത്യ പോലുള്ള നമ്മുടെ കൂട്ടാളികൾക്ക് കടലിൽ ഇതിനകം ഉള്ള റഷ്യൻ എണ്ണ വീണ്ടും വാങ്ങാൻ അനുവദിക്കാൻ സമ്മതിച്ചിട്ടുണ്ട്. ഇന്ത്യക്കാർ വളരെ നല്ല രീതിയിൽ പ്രവർത്തിക്കുന്നവരാണ്. റഷ്യൻ എണ്ണ വാങ്ങൽ നിർത്താൻ ഞങ്ങൾ ആവശ്യപ്പെട്ടു. അവർ അത് പാലിച്ചു. പകരം യുഎസ് എണ്ണ വാങ്ങാനായിരുന്നു അവരുടെ തീരുമാനം,” എന്ന് അദ്ദേഹം പറഞ്ഞു.

എന്നാൽ ലോകമെമ്പാടും ഉണ്ടായിരിക്കുന്ന താൽക്കാലിക എണ്ണക്കുറവ് കുറയ്ക്കുന്നതിനായി റഷ്യൻ എണ്ണ സ്വീകരിക്കാൻ ഞങ്ങൾ അവർക്കു അനുമതി നൽകി. മറ്റുചില റഷ്യൻ എണ്ണയ്‌ക്കും വിലക്ക് നീക്കാനുള്ള സാധ്യതയും പരിഗണിക്കുന്നുണ്ടെന്നും കൂടാതെ, വിലക്കിന് വിധേയമായ വലിയ തോതിലുള്ള ക്രൂഡ് എണ്ണ ഇപ്പോഴും കടലിൽ കുടുങ്ങിക്കിടക്കുന്നതായി അദ്ദേഹം വ്യക്തമാക്കി.

നൂറുകണക്കിന് മില്യൺ ബാരൽ വിലക്കുള്ള ക്രൂഡ് ഇപ്പോഴും കടലിൽ തന്നെ കിടക്കുന്നു. അവയ്ക്ക് മേലുള്ള വിലക്ക് നീക്കിയാൽ ട്രഷറി വകുപ്പ് കൂടുതൽ വിതരണത്തിന് വഴിയൊരുക്കാൻ കഴിയും. ഈ സംഘർഷകാലത്ത് വിപണിക്ക് ആശ്വാസം നൽകുന്ന നടപടികൾ പ്രഖ്യാപിക്കുന്നതിൽ ഞങ്ങൾ തുടർച്ചയായ നടപടികൾ കൈക്കൊള്ളുമെന്നും ബെസന്റ് കൂട്ടിച്ചേർത്തു.

Scott Bessent referred to India as a “very good actor” for previously complying with Washington’s request to halt purchases of sanctioned Russian oil