ആപ്പിൾ ഐഫോൺ ഉപയോക്താക്കൾക്കായി iOS 26.3 അപ്ഡേറ്റ് പുറത്തിറക്കി. സുരക്ഷാ കാരണങ്ങളാൽ ഈ അപ്ഡേറ്റ് ഉടൻ ഇൻസ്റ്റാൾ ചെയ്യാൻ വിദഗ്ധർ നിർദ്ദേശിക്കുന്നുണ്ട്. വെബ്കിറ്റ് (WebKit), കേർണൽ (Kernel) എന്നിവയുൾപ്പെടെയുള്ള വിവിധ വിഭാഗങ്ങളിലായി 39 സുരക്ഷാ പിഴവുകൾ ഈ അപ്ഡേറ്റിലൂടെ പരിഹരിച്ചിട്ടുണ്ട്. സുരക്ഷാ ക്രമീകരണങ്ങൾക്ക് പുറമെ, ഐഫോണിൽ നിന്ന് ആൻഡ്രോയിഡിലേക്ക് ഡാറ്റ മാറ്റാനുള്ള എളുപ്പവഴിയും, പുതിയ വെതർ വാൾപേപ്പറുകളും ഈ പതിപ്പിലുണ്ട്.
ഇതിൽ CVE-2026-20700 എന്ന സുരക്ഷാ പിഴവ് ഹാക്കർമാർ ഇതിനകം തന്നെ ദുരുപയോഗം ചെയ്തിരിക്കാൻ സാധ്യതയുണ്ടെന്ന് ആപ്പിൾ സെക്യൂരിറ്റി സപ്പോർട്ട് റിപ്പോർട്ട് ചെയ്യുന്നു. പഴയ പതിപ്പുകൾ ഉപയോഗിക്കുന്ന ഉപയോക്താക്കളുടെ വിവരങ്ങൾ ചോർത്താൻ ഇത് സഹായിക്കും.
ഐഫോണിലെ Settings > General > Software Update എന്ന ക്രമത്തിൽ പോയി പുതിയ പതിപ്പ് ഡൗൺലോഡ് ചെയ്ത് ഇൻസ്റ്റാൾ ചെയ്യാം. ഐഫോൺ 11-ഉം അതിനുശേഷമുള്ള മോഡലുകളിലുമാണ് ഈ അപ്ഡേറ്റ് ലഭ്യമാകുക.
Serious security issues: Apple iPhone users urged to urgently update to iOS 26.3
