വാഷിംഗ്ടൺ: ഇറാനുമായുള്ള സൈനിക നീക്കങ്ങൾ ഉടൻ അവസാനിക്കുമെന്ന് അമേരിക്കൻ പ്രസിഡൻ്റ് ഡോണൾഡ് ട്രംപ്. എന്നാൽ ഈ ആഴ്ച തന്നെ സംഘർഷങ്ങൾക്ക് അറുതിയാകാൻ സാധ്യതയില്ലെന്നും അദ്ദേഹം മാധ്യമപ്രവർത്തകരോട് പറഞ്ഞു.
യുദ്ധം ഈ ആഴ്ച അവസാനിക്കുമോ എന്ന ചോദ്യത്തിന് “അതെ, തീർച്ചയായും” എന്ന് ആദ്യം മറുപടി നൽകിയ ട്രംപ്, പിന്നീട് തിരുത്തിപ്പറയുകയായിരുന്നു. ഈ ആഴ്ച തന്നെ അത് സംഭവിക്കുമെന്ന് താൻ കരുതുന്നില്ലെന്നും എന്നാൽ അധികം വൈകാതെ തന്നെ ശുഭകരമായ അന്ത്യമുണ്ടാകുമെന്നും അദ്ദേഹം വ്യക്തമാക്കി.
“യുദ്ധം അധികകാലം നീണ്ടുനിൽക്കില്ല. ഈ പ്രതിസന്ധി അവസാനിക്കുന്നതോടെ ലോകം കൂടുതൽ സുരക്ഷിതമാകും,” ട്രംപ് കൂട്ടിച്ചേർത്തു. മേഖലയിലെ സമാധാനം പുനസ്ഥാപിക്കുന്നതിനുള്ള നടപടികൾ വേഗത്തിലാക്കുമെന്ന സൂചനയാണ് പ്രസിഡൻ്റിൻ്റെ വാക്കുകൾ നൽകുന്നത്.
അതേസമയം, തിങ്കളാഴ്ച ട്രംപ് നടത്തിയ പ്രസ്താവന പ്രകാരം, ഇറാനിലുടനീളമുള്ള 7,000-ലധികം കേന്ദ്രങ്ങളിൽ യുഎസ് സൈന്യം ആക്രമണം നടത്തിയിട്ടുണ്ട്. ഇതിലൂടെ ഇറാന്റെ ബാലിസ്റ്റിക് മിസൈൽ വിക്ഷേപണത്തിൽ 90 ശതമാനവും ഡ്രോൺ ആക്രമണങ്ങളിൽ 95 ശതമാനവും കുറവുണ്ടായതായി അദ്ദേഹം അവകാശപ്പെട്ടു. ഇതിനിടെ, ഇസ്രായേലിനും യുഎസ് സഖ്യകക്ഷികൾക്കും എതിരെ ഇറാൻ ഇപ്പോഴും ആക്രമണം തുടരുന്നുണ്ട്. നിലവിലെ സാഹചര്യത്തിൽ യുഎസുമായി യാതൊരു ചർച്ചയ്ക്കും താല്പര്യമില്ലെന്ന് ഇറാന്റെ വിദേശകാര്യ മന്ത്രി വ്യക്തമാക്കി.
Trump says war with Iran won’t last long, but may end this week
