കേരളം തെരഞ്ഞെടുപ്പ് പോരാട്ടത്തിലേക്ക് നീങ്ങുമ്പോൾ യുഡിഎഫിൽ പ്രശ്നങ്ങളില്ലെന്ന് പ്രതിപക്ഷ നേതാവ് വിഡി സതീശൻ. സീറ്റുമായി ബന്ധപ്പെട്ട് ഒരു തർക്കവുമില്ല. ആരും കൂടുതൽ സീറ്റും ചോദിച്ചിട്ടില്ല. എല്ലാവരുമായി നല്ല ബന്ധമാണെന്നും വിഡി സതീശൻ പറഞ്ഞു. സീറ്റ് വെച്ച് മാറുന്ന കാര്യം അന്തിമഘട്ടത്തിലാണ്. ആരും വാശി പിടിക്കുന്നില്ലെന്നും ഇഷ്ടമല്ലെങ്കിൽ വെച്ച് മാറില്ലെന്നും വിഡി സതീശൻ വ്യക്തമാക്കി.
ലീഗുമായി തടസങ്ങൾ ഒന്നുമില്ല. എംപിമാർ മത്സരിക്കണമോ വേണ്ടയോ എന്ന് ഹൈക്കമാൻഡ് തീരുമാനിക്കും. തിരഞ്ഞെടുപ്പ് പ്രഖ്യാപിക്കട്ടെ എന്നിട്ട് സ്ഥാനാർഥിയെ പ്രഖ്യാപിക്കാമെന്നും കെ സുധാകരൻ വിഷയത്തിൽ പറയാനുള്ളതെല്ലാം പറഞ്ഞു കഴിഞ്ഞുവെന്നും വിഡി സതീശൻ കൂട്ടിച്ചേർത്തു.
അതേസമയം, തിരഞ്ഞെടുപ്പിന് യുഡിഎഫ് സെറ്റാണെന്നും ലീഗുമായുള്ള പ്രശ്നങ്ങളും ഉടനെ പരിഹരിക്കുമെന്നും രമേശ് ചെന്നിത്തല പ്രതികരിച്ചു. കെ സുധാകരനുമായുള്ള പ്രശ്നങ്ങൾ നാളെ തന്നെ സംസാരിച്ചു പരിഹരിക്കും. തിരഞ്ഞെടുപ്പ് പ്രഖ്യാപിക്കുകയാണെങ്കിൽ നല്ല കാര്യമാണെന്നും സർക്കാരിന്റെ വെള്ളപൂശൽ ഇനി കാണേണ്ടി വരില്ലല്ലോയെന്നും രമേശ് ചെന്നിത്തല കൂട്ടിച്ചേർത്തു.
UDF preparing for elections; VD Satheesan says there are no problems, Ramesh Chennithala says election is set
