അമേരിക്കയും ഇറാനും തമ്മിലുള്ള ആശയവിനിമയം തുടരുന്നതായി അന്താരാഷ്ട്ര മാധ്യമമായ ആക്സിയോസ് (AXIOS) റിപ്പോർട്ട് ചെയ്തു. എന്നാൽ, ചർച്ചകൾക്കായി എത്തിയ അമേരിക്കൻ സംഘത്തിന് സ്വതന്ത്രമായി തീരുമാനങ്ങൾ എടുക്കാൻ അധികാരമില്ലായിരുന്നതാണ് ഇസ്ലാമാബാദ് ചർച്ചകൾ പരാജയപ്പെടാന്ഇ കാരണമെന്ന് ഇറാൻ നേതാക്കളെ ഉദ്ധരിച്ച് ഇറാനിയൻ മാധ്യമങ്ങൾ കുറ്റപ്പെടുത്തി. പല പ്രധാന വിഷയങ്ങളിലും തീരുമാനമെടുക്കാൻ പ്രതിനിധികൾക്ക് വൈറ്റ് ഹൗസുമായി ബന്ധപ്പെടേണ്ടി വന്നത് ചർച്ചകൾ പരാജയപ്പെടാൻ പ്രധാന കാരണമായതായും അവർ ആരോപിക്കുന്നു.
മേഖലയിലെ സമാധാനാന്തരീക്ഷം നിലനിർത്താൻ ഇരുരാജ്യങ്ങളും ചർച്ചകൾ തുടരണമെന്ന് ഐക്യരാഷ്ട്രസഭ (UN) മേധാവി ആവശ്യപ്പെട്ടു. നിലവിലെ ചർച്ചകൾക്ക് അതീവ ഗൗരവ സ്വഭാവമുണ്ടെന്നും അദ്ദേഹം നിരീക്ഷിച്ചു. ഉപരോധങ്ങളും നിയന്ത്രണങ്ങളും നിലനിൽക്കുന്ന പശ്ചാത്തലത്തിൽ, നയതന്ത്രപരമായ നീക്കങ്ങളിലൂടെ പരിഹാരം കണ്ടെത്താനാണ് അന്താരാഷ്ട്ര സമൂഹം ലക്ഷ്യമിടുന്നത്.
മേഖലയിലെ സംഘർഷം ലഘൂകരിക്കുന്നതിന് ചർച്ചകൾ അനിവാര്യമാണെന്ന് യുഎൻ ആവർത്തിച്ചു. അമേരിക്കൻ സംഘത്തിന്റെ പരിമിതമായ അധികാരങ്ങളെക്കുറിച്ച് ഇറാൻ വിമർശനം ഉന്നയിക്കുമ്പോഴും, ചർച്ചാ മേശയിലേക്ക് മടങ്ങിവരാനുള്ള സാധ്യതകൾ ഇരുപക്ഷവും പൂർണ്ണമായും തള്ളിക്കളഞ്ഞിട്ടില്ല. വരും ദിവസങ്ങളിൽ ഈ വിഷയത്തിൽ കൂടുതൽ വ്യക്തതയുണ്ടാകുമെന്നാണ് സൂചന.
US and Iran continue communication amid claims of limited authority for American delegation
