വാഷിങ്ടൺ: ഇറാനെതിരായ യുദ്ധം രൂക്ഷമാകുന്നതിനിടെ മറ്റൊരു കപ്പലിന് നേരെ ആക്രമണം നടത്തിയതായി യുഎസ് സെൻട്രൽ കമാൻഡ് (CENTCOM). ഒമാൻ ഉൾക്കടലിൽ എംടി കൈലോ (MT Kylo) എന്ന എണ്ണക്കപ്പൽ മുക്കിയതായി സെൻട്രൽ കമാൻഡ് ഞായറാഴ്ച അറിയിച്ചു.
“അമേരിക്കൻ സൈനികരുടെ കൃത്യതയും പ്രൊഫഷണലിസവും മൂലം എംടി കൈലോ ഇന്ന് ഒമാൻ ഉൾക്കടലിൽ മുങ്ങി. കടലിന്റെ അടിത്തട്ടിൽ അത് ഇറാന്റെ നാവികസേനയ്ക്കൊപ്പം ചേർന്നു,” എന്ന് സെൻട്രൽ കമാൻഡ് എക്സിൽ കുറിച്ചു.
മറൈൻ ട്രാഫിക് വിവരങ്ങൾ പ്രകാരം കൊമോറോസ് പതാകയുള്ള ക്രൂഡ് ഓയിൽ ടാങ്കറാണ് എംടി കൈലോ. ഓൺലൈൻ കപ്പൽ ഗതാഗത നിരീക്ഷണ സംവിധാനങ്ങളും കപ്പൽ ഒമാൻ ഉൾക്കടലിൽ ഉണ്ടായിരുന്നതായി കണ്ടെത്തിയിട്ടുണ്ട്.
ഇറാന്റെ ഇസ്ലാമിക് റെവല്യൂഷനറി ഗാർഡ് കോർപ്സ് (IRGC) അമേരിക്കൻ നാവികസേനയുടെ യുദ്ധക്കപ്പലുകൾക്ക് നേരെ ആക്രമണം നടത്തിയതിന് പിന്നാലെയാണ് നടപടി. ശനിയാഴ്ച മൂന്ന് ഇറാനിയൻ എണ്ണക്കപ്പലുകൾക്ക് നേരെ ആക്രമണം നടത്തിയതായി യുഎസ് സെൻട്രൽ കമാൻഡ് അവകാശപ്പെട്ടിരുന്നു.
ഇതോടെ ഇറാനെതിരായ യുഎസ് സൈനിക നടപടികൾ കൂടുതൽ രൂക്ഷമാകുന്നതിന്റെ സൂചനയാണ് പുതിയ ആക്രമണം നൽകുന്നത്.
US CENTCOM claims it sank oil tanker MT Kylo in Gulf of Oman as Iran war escalates
