അമേരിക്കൻ പ്രസിഡന്റ് ഡൊണാൾഡ് ട്രംപ് പ്രഖ്യാപിച്ച വ്യാപകമായ ഇറക്കുമതി തീരുവകൾക്ക് കനത്ത തിരിച്ചടിയായ യുഎസ് സുപ്രീം കോടതി വിധിയുടെ വിശദാംശങ്ങൾ പുറത്ത്. വിദേശ രാജ്യങ്ങളിൽ നിന്നുള്ള ഉൽപ്പന്നങ്ങൾക്ക് നികുതി ചുമത്താനുള്ള അധികാരം പ്രസിഡന്റിനല്ല, മറിച്ച് കോൺഗ്രസിനാണെന്ന് കോടതി വ്യക്തമാക്കിയത്. 6-3 എന്ന ഭൂരിപക്ഷത്തിലാണ് കോടതിയുടെ നിർണ്ണായകമായ ഈ വിധി പുറത്തുവന്നത്. പ്രസിഡന്റിന്റെ അധികാരം പരിമിതപ്പെടുത്തുന്ന ഈ വിധി ട്രംപ് ഭരണകൂടത്തിന്റെ സാമ്പത്തിക നയങ്ങൾക്ക് വലിയ തിരിച്ചടിയാണ്.
ഇറക്കുമതി തീരുവ വർദ്ധിപ്പിക്കുന്നത് സംബന്ധിച്ച തീരുമാനങ്ങൾ ജനപ്രതിനിധി സഭയായ കോൺഗ്രസിന്റെ അംഗീകാരത്തോടെ മാത്രമേ നടപ്പിലാക്കാവൂ എന്ന് കോടതി നിരീക്ഷിച്ചു. ചൈന ഉൾപ്പെടെയുള്ള രാജ്യങ്ങളിൽ നിന്നുള്ള ഉൽപ്പന്നങ്ങൾക്ക് വലിയ തോതിൽ നികുതി വർദ്ധിപ്പിച്ച് അമേരിക്കൻ വിപണിയെ സംരക്ഷിക്കാനായിരുന്നു ട്രംപിന്റെ നീക്കം. എന്നാൽ ഭരണഘടനാപരമായി നികുതി കാര്യങ്ങളിൽ അന്തിമ തീരുമാനം എടുക്കേണ്ടത് നിയമനിർമ്മാണ സഭയാണെന്ന് കോടതി അടിവരയിട്ടു.
സുപ്രീം കോടതിയുടെ ഈ ഇടപെടൽ ഇന്ത്യയെ സംബന്ധിച്ചിടത്തോളം വലിയ ആശ്വാസമാണ് നൽകുന്നത്. ട്രംപിന്റെ താരിഫ് നയം നടപ്പിലാക്കിയിരുന്നെങ്കിൽ ഇന്ത്യൻ ഐടി മേഖലയും കയറ്റുമതി വിപണിയും വലിയ പ്രതിസന്ധിയിലാകുമായിരുന്നു. നികുതി കാര്യങ്ങളിൽ യുഎസ് കോൺഗ്രസിന് അധികാരം ലഭിക്കുന്നതോടെ തീവ്രമായ നിയന്ത്രണങ്ങൾ ഒഴിവാകുമെന്നും ഉഭയകക്ഷി വ്യാപാരം കൂടുതൽ സുഗമമാകുമെന്നുമാണ് സാമ്പത്തിക വിദഗ്ധരുടെ വിലയിരുത്തൽ.
US Supreme Court strikes down Trump’s tariffs in 6-3 verdict; major relief for India
