റഷ്യൻ എണ്ണ വിഷയത്തിൽ അമേരിക്കയുടെ നിലപാടിനെ പരിഹസിച്ച് ഇറാൻ വിദേശകാര്യ മന്ത്രി സെയ്ദ് അബ്ബാസ് അറാഘ്ചി . മുമ്പ് റഷ്യയിൽ നിന്ന് എണ്ണ ഇറക്കുമതി ചെയ്യുന്നത് നിർത്താൻ ഇന്ത്യയെ സമ്മർദ്ദപ്പെടുത്തിയ അമേരിക്ക ഇപ്പോൾ ഇന്ത്യയുൾപ്പെടെയുള്ള രാജ്യങ്ങളെ റഷ്യൻ ക്രൂഡ് വാങ്ങാൻ “വിനീതമായി അഭ്യർത്ഥിക്കുകയാണ്” എന്ന് അദ്ദേഹം പറഞ്ഞു.
“റഷ്യയിൽ നിന്ന് എണ്ണ ഇറക്കുമതി അവസാനിപ്പിക്കാൻ ഇന്ത്യയെ സമ്മർദ്ദപ്പെടുത്താൻ അമേരിക്ക മാസങ്ങളോളം ശ്രമിച്ചു. എന്നാൽ ഇറാനുമായി രണ്ട് ആഴ്ച നീണ്ട യുദ്ധത്തിന് ശേഷം വൈറ്റ് ഹൗസ് ഇപ്പോൾ ഇന്ത്യയുൾപ്പെടെയുള്ള ലോക രാജ്യങ്ങളോട് റഷ്യൻ ക്രൂഡ് വാങ്ങാൻ അപേക്ഷിക്കുകയാണ് എന്ന് എക്സ് (X) പ്ലാറ്റ്ഫോമിൽ നടത്തിയ പോസ്റ്റിൽ അറാഘ്ചി പറഞ്ഞു.
ഇറാനെതിരായ “നിയമവിരുദ്ധ യുദ്ധത്തെ” പിന്തുണച്ചതിനും യൂറോപ്യൻ രാജ്യങ്ങളെ അദ്ദേഹം വിമർശിച്ചു. “ഇറാനെതിരായ നിയമവിരുദ്ധ യുദ്ധത്തെ പിന്തുണച്ചാൽ റഷ്യയ്ക്കെതിരെ അമേരിക്കയുടെ പിന്തുണ ലഭിക്കും എന്ന് യൂറോപ്പ് കരുതി. അതൊരു ദയനീയമായ നിലപാടാണ്,” എന്നും അദ്ദേഹം കൂട്ടിച്ചേർത്തു.
‘White House is now begging India’: Iranian Foreign Minister Araghchi mocks US stance on Russian oil
