ലോക സാമ്പത്തിക ഫോറത്തിന്റെ പ്രസിഡന്റും സിഇഒയുമായ ബോർജ് ബ്രെൻഡെ വ്യാഴാഴ്ച പദവി ഒഴിയുന്നതായി പ്രഖ്യാപിച്ചു. ലൈംഗിക കുറ്റവാളിയായി ശിക്ഷിക്കപ്പെട്ട ജെഫ്രി എപ്സ്റ്റീനുമായി ഉണ്ടായിരുന്ന മുൻകാല ബന്ധങ്ങളെക്കുറിച്ച് സ്വതന്ത്ര അന്വേഷണം ആരംഭിച്ചതിന് പിന്നാലെയാണ് രാജി പ്രഖ്യാപനം.
2017ൽ വേൾഡ് ഇക്കണോമിക് ഫോറത്തിന്റെ പ്രസിഡന്റായി ചുമതലയേറ്റ ബ്രെൻഡെ, യുഎസ് ജസ്റ്റിസ് ഡിപ്പാർട്ട്മെന്റ് പുറത്തുവിട്ട വിവരങ്ങൾ പുറത്തുവന്നതിന് പിന്നാലെയാണ് തീരുമാനം അറിയിച്ചത്. ആ റിപ്പോർട്ടുകൾ പ്രകാരം, ബ്രെൻഡെ എപ്സ്റ്റീനുമായി മൂന്ന് ബിസിനസ് വിരുന്നുകളിൽ പങ്കെടുത്തതും ഇമെയിലും ടെക്സ്റ്റ് സന്ദേശങ്ങളുമായി ബന്ധപ്പെട്ടിരുന്നതുമാണ് പുറത്ത് വന്നിരിക്കുന്നത്.
“ആലോചിച്ച് എടുത്ത തീരുമാനമാണ് ഇത്. എട്ട് വർഷത്തോളമായി ഞാൻ ഈ സ്ഥാനത്ത് പ്രവർത്തിച്ചു. മികച്ച അനുഭവമായിരുന്നു,” ബ്രെൻഡെ പ്രസ്താവനയിൽ പറഞ്ഞു. “സഹപ്രവർത്തകരുമായും പങ്കാളികളുമായും ചേർന്ന് പ്രവർത്തിക്കാൻ കഴിഞ്ഞത് അഭിമാനകരമാണ്. ഫോറം ഇനി ശ്രദ്ധാഭംഗമില്ലാതെ പ്രവർത്തനം തുടരേണ്ട സമയമാണിത്,” എന്നും മുൻ നോർവീജിയൻ വിദേശകാര്യ മന്ത്രിയായിരുന്ന ബ്രെൻഡെ കൂട്ടിച്ചേർത്തു.
എന്നാൽ പ്രസ്താവനയിൽ എപ്സ്റ്റീനെ കുറിച്ച് അദ്ദേഹം പരാമർശിച്ചില്ല. ഇതിനിടെ, അലോയിസ് സ്വിങ്ഗ്ഗിയെ ഇടക്കാല പ്രസിഡന്റും സിഇഒയുമായി നിയമിച്ചു. സ്ഥിരം പിൻഗാമിയെ നിയമിക്കുന്നതുവരെ ഫോറത്തിന്റെ ട്രസ്റ്റീസ് ബോർഡ് നേതൃത്വ മാറ്റം മേൽനോട്ടം വഹിക്കും.
World Economic Forum CEO Borge Brende resigns amid criticism over ties to Epstein
