ലണ്ടൻ: ലോക ചാമ്പ്യന്ഷിപ്പ് സൈക്കിളിന്റെ ഭാഗമായ ഫിഡെ വനിതാ ഗ്രാൻഡ് സ്വിസ് ടൂർണമെന്റിൽ മുൻ ലോകചാംപ്യൻ മരിയ മ്യുസിചുക്കിനെ വീഴ്ത്തി ഇന്ത്യൻ താരം ആർ.വൈശാലി. നാലാം റൗണ്ടിൽ യുക്രെയ്ൻ താരത്തിനെതിരെയുള്ള അട്ടിമറി ജയത്തോടെ വൈശാലി ടൂർണമെന്റിൽ ഒന്നാം സ്ഥാനത്താണ് (3.5 പോയിന്റ്). 7 റൗണ്ടുകളാണ് ഇനി ശേഷിക്കുന്നത്. കഴിഞ്ഞ ചെസ് ലോകകപ്പ് ഫൈനലിൽ മാഗ്നസ് കാൾസനെ നേരിട്ട ആർ.പ്രഗ്നാനന്ദയുടെ സഹോദരിയാണ് വൈശാലി. ഈ മാസം തന്നെ ഖത്തർ മാസ്റ്റേഴ്സ് ചെസിൽ കിരീടം ചൂടിയിരുന്നു.
ടൂര്ണമെന്റില് നാല് മത്സരങ്ങളില് മൂന്ന് വിജയമാണ് വൈശാലിയുടെ സമ്പാദ്യം. നാലാം റൗണ്ടിന്റെ ആദ്യം തന്നെ മ്യുസിചുക്കിനെ പ്രതിരോധത്തിലാക്കാന് ഇന്ത്യന് താരത്തിന് സാധിച്ചു. വെറും 23 നീക്കങ്ങള്ക്കൊടുവില് ലോക ചാമ്പ്യനെ അട്ടിമറിക്കാന് വൈശാലിയ്ക്ക് സാധിച്ചു. ടൂര്ണമെന്റില് ഏഴ് റൗണ്ടുകളാണ് അവശേഷിക്കുന്നത്. ഈയടുത്ത് സമാപിച്ച ഖത്തര് മാസ്റ്റേഴ്സില് ചെസില് വൈശാലി കിരീടം ചൂടിയിരുന്നു.
