മീററ്റ്: ഉത്തർപ്രദേശിലെ മീററ്റിൽ ഞായറാഴ്ച സിഎൻജി കാറിന് തീപിടിച്ച് നാല് പേർ മരിച്ചു. രാത്രി ഒമ്പത് മണിയോടെ ഡൽഹിയിൽ നിന്ന് കാറിൽ യാത്ര ചെയ്ത നാല് പേരാണ് കൊല്ലപ്പെട്ടതെന്ന് സൂപ്രണ്ട് (റൂറൽ) കമലേഷ് ബഹാദൂർ പിടിഐയോട് പറഞ്ഞു. കൊല്ലപ്പെട്ടവരെ തിരിച്ചറിയാൻ പോലീസിന് ഇതുവരെ കഴിഞ്ഞിട്ടില്ല.
“കാറിൽ സിഎൻജി കിറ്റ് ഘടിപ്പിച്ചിരുന്നു. തീപിടിത്തത്തിൻ്റെ കാരണം ഇപ്പോഴും വ്യക്തമല്ല. കൊല്ലപ്പെട്ടവരെ തിരിച്ചറിയാനും അവരുടെ കുടുംബാംഗങ്ങളെ ബന്ധപ്പെടാനും ശ്രമം നടക്കുന്നു,” ഓഫീസർ പറഞ്ഞു.
