വാഷിംഗ്ടണ്: നവംബര് തിരഞ്ഞെടുപ്പിന് ശേഷം ഡോണള്ഡ് ട്രംപ് വൈറ്റ് ഹൗസിലേക്ക് മടങ്ങിയെത്തിയാല് സര്ക്കാര് ഏജന്സികളെ ഓഡിറ്റ് ചെയ്യുന്നതിന് ട്രംപ് നിര്ദ്ദേശിക്കുന്ന കമ്മീഷനില് ചേരാന് തയ്യാറാണെന്ന് ടെല്സ, സ്പേസ് എക്സ് സിഇഒ ഇലോണ് മസ്ക്ക്. ഈ ഉത്തരവാദിത്വം ഏറ്റെടുക്കുന്നതിനായി അക്ഷമനായി കാത്തിരിക്കുന്നുവെന്നാണ് ശതകോടീശ്വരന്റെ പ്രതികരണം.
I can’t wait. There is a lot of waste and needless regulation in government that needs to go. https://t.co/BOh3MIv4sJ
— Elon Musk (@elonmusk) September 3, 2024
ഗവണ്മെന്റ് പരിപാടികള് വിലയിരുത്തുന്നതിനും കാര്യക്ഷമമാക്കുന്നതിനും മസ്ക് ഉള്പ്പെടെയുള്ള യുഎസിലെ പ്രമുഖ ബിസിനസ്സ് നേതാക്കളെ ട്രംപ് ക്യാബിനറ്റില് ഉള്പ്പെടുത്തിയേക്കുമെന്ന് സൂചിപ്പിക്കുന്ന യുഎസ് മാധ്യമ റിപ്പോര്ട്ടിനെ തുടര്ന്നാണിത്. ”എനിക്ക് കാത്തിരിക്കാനാവില്ല. ഗവണ്മെന്റില് ധാരാളം മാലിന്യങ്ങളും അനാവശ്യ നിയന്ത്രണങ്ങളും ഉണ്ട്, അത് പോകേണ്ടതുണ്ട്’. -എക്സിലെ ഒരു പോസ്റ്റില്, മസ്ക് പറഞ്ഞതിങ്ങനെ.
