ശ്രീകുമാർ ഉണ്ണിത്താൻ
ന്യൂ യോർക്ക് : ഫൊക്കാനയുടെ ട്രസ്റ്റീ ബോർഡ് അംഗമായി ലീല മരേട്ടിനെ നിയമിച്ചതായി ട്രസ്റ്റീ ബോർഡ് ചെയർ ജോജി തോമസ് അറിയിച്ചു . കഴിഞ്ഞ ദിവസം കൂടിയ ട്രസ്റ്റീ ബോർഡ് മീറ്റിങ്ങിൽ പ്രസിഡന്റ് സജിമോൻ ആന്റണിയും മുൻ പ്രസിഡന്റ് കൂടിയായ ജോർജി വർഗീസുമാണ് ലീല മരേട്ടിന്റെ പേര് നിർദ്ദേശിച്ചത്. വൈസ് ചെയർ സതീശൻ നായർ, ട്രസ്റ്റീ സെക്രട്ടറി ബിജു ജോൺ എന്നിവർ പിന്താങ്ങി.
ഫൊക്കാന കമ്മിറ്റി മെമ്പര്, റീജനല് വൈസ് പ്രസിഡന്റ്, നാഷണൽ ട്രഷറര്, എക്സിക്യൂട്ടീ വൈസ് പ്രസിഡന്റ്, ബോര്ഡ് ഓഫ് ട്രസ്റ്റി മെമ്പര്, ഇലക്ഷന് കമ്മിറ്റി മെമ്പര്, വിമന്സ് ഫോറം ചെയർ , നാഷണൽ കോർഡിനേറ്റർ തുടങ്ങി ഫൊക്കാനയുടെ നിരവധി മേഖലകളിൽ പ്രവർത്തിച്ചിട്ടുള്ള വ്യക്തിയാണ് ലീല മരേട്ട് . 1981 ല് അമേരിക്കയിലെത്തിയ ലീല മാരേട്ട് തന്റെ പ്രവര്ത്തനങ്ങള് കൊണ്ട് അമേരിക്കന് മലയാളികളുടെ മനസ്സില് വളരെ പെട്ടെന്ന് തന്നെ സ്ഥാനം പിടിച്ച വ്യക്തിത്വമാണ്. ഫൊക്കാന നിലവില് വന്ന സമയം തൊട്ട് സംഘടനയുടെ പദവികള് ഏറ്റെടുത്തും, ഏറ്റെടുക്കുന്ന പ്രവര്ത്തനത്തിലൂടെ ആ പദവിയില് നീതി പുലര്ത്തിയും പ്രവർത്തിക്കുന്ന വ്യക്തിത്വമാണ് ലീല മാരേട്ടിൻ്റേത്.
രസതന്ത്രത്തില് എം.എസ്.സി. ബിരുദമുള്ള ഇവര് ആലപ്പുഴയിൽ അധ്യാപിക ആയിരുന്നു. പിന്നീട് അമേരിക്കയിൽ എത്തിയ ശേഷം ബ്രോങ്ക്സ് കമ്മ്യൂണിറ്റി കോളജിലും അധ്യാപികയായി ജോലി നോക്കി. ന്യൂയോര്ക്ക് നഗരത്തിലെ പരിസ്ഥിതി സംരക്ഷണ വിഭാഗത്തില് നിന്നും വിരമിച്ചു. ഇപ്പോൾ സാമൂഹിക പ്രവർത്തനം നടത്തുന്നു. കഴിഞ്ഞ മുന്ന് തവണ ഫൊക്കാന പ്രസിഡന്റ് ആയും മത്സരിച്ചിരുന്നു.
ട്രസ്റ്റീ ബോർഡ് മെംബർ ആയി തെരഞ്ഞെടുത്തതിൽ ലീല മരേട്ട് നന്ദി രേഖപ്പെടുത്തി , ഫൊക്കാനയെ ഒരുമിച്ചു കൊണ്ടുപോകാനുള്ള പുതിയ നേതൃത്വത്തിന്റെ പ്രവർത്തനത്തെ അവർ പ്രശംസിച്ചു.
ഫൊക്കാന ട്രസ്റ്റീ ബോർഡ് മെംബർ ആയി തെരഞ്ഞെടുത്ത ലീല മരേട്ടിനെ പ്രസിഡന്റ് സജിമോൻ ആന്റണി അഭിനന്ദിച്ചു. ഇലക്ഷൻ കഴിഞ്ഞാൽ ഫൊക്കാന ഒന്നേയുള്ളു , ഇലക്ഷൻ സമയത്തു വിപരീതമായി മത്സരിച്ചാലും ഇലക്ഷൻ കഴിഞ്ഞാൽ ഫൊക്കാന ഒറ്റക്കെട്ടാണെന്നും അതിന്റെ ഉദാഹരണമാണ് ലീല ചേച്ചിയുടെ നിയമനം എന്നും സജിമോൻ ആന്റണി അഭിപ്രായപ്പെട്ടു.
ട്രസ്റ്റീ ബോർഡ് ചെയർ ജോജി തോമസ് , വൈസ് ചെയർ സതീഷ് നായർ , ട്രസ്റ്റീ സെക്രട്ടറി ബിജു ജോൺ എന്നിവരും ലീല മരേട്ടിനെ അഭിനന്ദിച്ചു സംസാരിച്ചു.
ട്രസ്റ്റീ ബോർഡ് മെംബേർസ് ആയ ജോർജി വർഗീസ് , കല ഷഹി , സണ്ണി മറ്റമന പ്രസിഡന്റ് സജിമോൻ ആന്റണി സെക്രട്ടറി ശ്രീകുമാർ ഉണ്ണിത്താൻ എന്നിവരും മീറ്റിങ്ങിൽ പങ്കെടുത്തു .
Fokana leader Leela Maret has been appointed as Fokana trustee board member
