കണ്ണൂര്: എഡിഎം നവീന് ബാബുവിന്റെ മരണവുമായി ബന്ധപ്പെട്ട് ആത്മഹത്യാപ്രേരണക്കുറ്റത്തിന് അറസ്റ്റിലായി റിമാന്ഡില് കഴിയുന്ന കണ്ണൂര് ജില്ലാ പഞ്ചായത്ത് മുന് പ്രസിഡന്റ് പി.പി. ദിവ്യയുടെ ജാമ്യാപേക്ഷയില് ജില്ലാ സെഷന്സ് കോടതി ഇന്ന് വിധി പറയും. ഒക്ടോബര് 29-നാണ് ദിവ്യ അറസ്റ്റിലായത്. 11 ദിവസമായി കണ്ണൂര് വനിതാ ജയിലില് റിമാന്ഡിലാണ് ദിവ്യ.
അതേസമയം, ദിവ്യക്കെതിരെ നടപടിയെടുക്കാന് കണ്ണൂര് ജില്ലാ കമ്മിറ്റിക്ക് അടിയന്തര ഓണ്ലൈന് യോഗത്തില് അനുമതി നല്കി സിപിഎം സംസ്ഥാന സെക്രട്ടേറിയറ്റ്. പാര്ട്ടി പദവികളില് നിന്നും ദിവ്യയെ നീക്കണമെന്ന് ജില്ലാ കമ്മിറ്റി ശുപാര്ശ ചെയ്തിരുന്നു. ദിവ്യയുടേത് ഗുരുതര വീഴ്ചയാണെന്നായിരുന്നു ജില്ലാ കമ്മിറ്റിയുടെ വിലയിരുത്തല്. ഇരിണാവ് കമ്മിറ്റി ബ്രാഞ്ചിലേക്കാണ് ദിവ്യയെ തരംതാഴ്ത്തിയത്. എല്ലാ പദവികളില് നിന്നും ദിവ്യയെ തരംതാഴ്ത്തുകയായിരുന്നു
