പാരീസ്: പാരീസ് ഒളിംപിക്സില് ആദ്യ മെഡല് സ്വന്തമാക്കി ഇന്ത്യ. വനിതകളുടെ 10 മീറ്റര് എയര് പിസ്റ്റളില് മനു ഭാകര് വെങ്കലം നേടി. നേരിയ വ്യത്യാസത്തിലാണ് താരത്തിന് വെള്ളി നഷ്ടമായത്. യോഗ്യതാ റൗണ്ടില് മൂന്നാം സ്ഥാനത്ത് ഫിനിഷ് ചെയ്താണ് 22കാരിയായ മനു ഭാക്കര് ഫൈനലിന് യോഗ്യത നേടിയിരുന്നത്.
ആദ്യമായിട്ടാണ് ഷൂട്ടിംഗില് ഒരു ഇന്ത്യന് വനിത ഒളിംപിക്സ് മെഡല് നേടുന്നത്. ഷൂട്ടിംഗില് 12 വര്ഷത്തിന് ശേഷമാണ് ഇന്ത്യക്ക് മെഡൽ ലഭിക്കുന്നത്. ദക്ഷിണ കൊറിയൻ താരങ്ങളാണ് സ്വർണവും വെള്ളിയും നേടിയത്.
