ഫിലഡല്‍ഫിയ: ഫൊക്കാനയുടെ 2026 ലെ കണ്വെന്ഷന് കൊഡിനേറ്റര്‍ ആയി പെന്‍സില്‍വാനിയ മലയാളി അസോസിയേഷാനിലെ മാത്യു ചെറിയാനെ (മോന്‍സി) നിയമിച്ചതായി ഫൊക്കാന പ്രസിഡന്റ് സജിമോന്‍ ആന്റണി അറിയിച്ചു.
മികച്ച സാമൂഹ്യ, സാംസ്‌കാരിക പ്രവര്‍ത്തകന്‍, സംഘടനാ പ്രവര്‍ത്തകന്‍ തുടങ്ങി നിരവധി മേഖലകളില്‍ തനതായ വ്യക്തി മുദ്ര പതിപ്പിച്ച ബഹുമുഖപ്രതിഭയാണ് പെന്‍സില്‍വേനിയാ മലയാളികളുടെ അഭിമാനമായ മാത്യു ചെറിയാന്‍. കഴിഞ്ഞ ഫൊക്കാന കണ്‍വെന്‍ഷനിലും നിറ സാനിധ്യമായിരുന്നു ഇദ്ദേഹം. 2023 ല്‍ ഫിലഡല്‍ഫിയയില്‍ നടന്ന ഫൊക്കാന റീജണല്‍ കണ്വെന്ഷന് നേതൃത്വം നല്‍കിയവരില്‍ ഒരാള്‍ കൂടിയാണ്. ഫൊക്കാനയുടെ നിരവധി പരിപാടികളില്‍ സജീവസാന്നിധ്യമായി കഴിവ് തെളിയിച്ച അദ്ദേഹം ഫൊക്കാനയുടെ പെന്‍സില്‍വേനിയ റീജിയന്റെ പ്രവര്‍ത്തനം വ്യാപിപ്പിക്കുന്നതിനും കൂടുതല്‍ സംഘടനകളെ ഫൊക്കാനയിയുടെ ഭാഗമാകുന്നതിലും നിര്‍ണ്ണയാക പങ്ക് വഹിക്കുന്ന വ്യക്തികൂടിയാണ്.
ഫിലാഡല്‍ഫിയായിലെ വിവിധ മലയാളീ അസ്സോസിയേഷനുകളുമായും സഹകരിച്ചു പ്രവര്‍ത്തിക്കുന്ന മാത്യു ചെറിയാന്‍, പെന്‍സില്‍വേനിയ മലയാളി അസോസിയേഷന്‍ (പി എം എ ) രൂപീകരണത്തില്‍ മുഖ്യപങ്കുവഹിച്ച വ്യക്തിയാണ്.
1985 ല്‍ അമേരിക്കയിലേക്ക് കുടിയേറിയ മാത്യു ചെറിയാന്‍ സ്‌കൂള്‍ കോളേജ് വിദ്യാഭ്യാസം ഫിലഡല്‍ഫിയയില്‍ നിന്നും പൂര്‍ത്തീകരിച്ചു. ഹെല്‍ത്ത് സയന്‍സില്‍ ബിരുദം നേടിയതിനുശേഷം ബിസിനസ് രംഗത്തേക്ക് തിരിഞ്ഞ് തന്റേതായ വ്യക്തിമുദ്ര പതിപ്പിച്ചു. Infrastructure Utilities and telecommunications nationwide എന്ന സ്ഥാപനം നടത്തി ബിസിനസ്സ് രംഗത്തും തിളങ്ങി നില്‍ക്കുന്നു. ഇപ്പോള്‍ കുടുംബമായി കിങ്ങോ പ്രഷിയാഇയില്‍ താമസിക്കുന്നു
അമേരിക്കന്‍ പ്രവാസി സമൂഹത്തിന് എന്നും ആവേശം പകരുന്ന യുവ തലമുറയുടെ പ്രതിനിധിയാണ് മാത്യു ചെറിയാന്‍, അദ്ദേഹത്തിന്റെ സംഘടനാ മികവും, നേതൃ പാടവവും ഫൊക്കാനയുടെ കണ്വെന്ഷന് ഒരു മുതല്‍ കുട്ടാകും എന്ന കാര്യത്തില്‍ യാതൊരു സംശയവും ഇല്ല എന്ന് സെക്രട്ടറി ശ്രീകുമാര്‍ ഉണ്ണിത്താന്‍ അഭിപ്രായപ്പെട്ടു.
അമേരിക്കന്‍, കാനഡ മലയാളികള്‍ക്കിടയില്‍ വ്യത്യസ്തമായ കാഴ്ചപ്പാടും പുരോഗമന ചിന്താഗതികളുമുള്ള യുവാക്കളുടെ പ്രതിനിധികളില്‍പ്പെട്ട മാത്യു ചെറിയാന്‍ ഏറെ സൗമ്യനും മൃദുഭാഷണിയും ഏറ്റെടുക്കുന്ന പദവികള്‍ പ്രവര്‍ത്തനത്തിലൂടെ അത് ഏറ്റവും കുറ്റമറ്റതാക്കുക എന്നത് അദ്ദേഹത്തിന്റെ പ്രത്യേകതയാണ് എന്ന് ട്രഷര്‍ ജോയി ചാക്കപ്പന്‍ അഭിപ്രായപ്പെട്ടു.
കണ്വെന്ഷന് കൊഡിനേറ്റര്‍ ആയി മാത്യു ചെറിയാനെ നിയമിച്ചതില്‍ അദ്ദേഹത്തിന് എല്ലാവിധ ആശംസകള്‍ നേരുന്നതായി എക്‌സി. വൈസ് പ്രസിഡന്റ് പ്രവീണ്‍ തോമസ്, വൈസ് പ്രസിഡന്റ് വിപിന്‍ രാജു, ജോയിന്റ് സെക്രട്ടറി മനോജ് ഇടമന, ജോയിന്റ് ട്രഷര്‍ ജോണ്‍ കല്ലോലിക്കല്‍, അഡിഷണല്‍ ജോയിന്റ് സെക്രട്ടറി അപ്പുകുട്ടന്‍ പിള്ള, അഡിഷണല്‍ ജോയിന്റ് ട്രഷര്‍ മില്ലി ഫിലിപ്പ് , വിമന്‍സ് ഫോറം ചെയര്‍പേഴ്‌സണ്‍ രേവതി പിള്ള, കണ്വെന്ഷന് ചെയര്‍ ആല്‍ബര്‍ട്ട് കണ്ണമ്പള്ളില്‍ എന്നിവര്‍ അറിയിച്ചു.
