തെക്കന് മിസോറിയില് രണ്ട് തിരഞ്ഞെടുപ്പ് പ്രവര്ത്തകര് വെള്ളപ്പൊക്കത്തില് പെട്ട് മരിച്ചു. ഇരച്ചെത്തിയ വെള്ളത്തില് ഇവരുണ്ടായിരുന്ന വാഹനം ഒഴുകിപ്പോകുകയായിരുന്നു. സംസ്ഥാനത്തുടനീളമുള്ള പേമാരിയെ തുടര്ന്നുണ്ടായ വെള്ളപ്പൊക്കത്തില് മിസോറിയില് ഇതോടെ അഞ്ചുപേരാണ് മരിച്ചത്.
റൈറ്റ് കൗണ്ടിയില്, ചൊവ്വാഴ്ച പുലര്ച്ചെ 4:30 ഓടെ ബീവര് ക്രീക്കില് വെള്ളപ്പൊക്കത്തില് 70 വയസ്സുള്ള ഒരു പുരുഷനും 73 വയസ്സുള്ള ഒരു സ്ത്രീയും സഞ്ചരിച്ച വാഹനങ്ങള് ഒഴുകിപ്പോയതായി മിസോറി സ്റ്റേറ്റ് ഹൈവേ പട്രോള് അറിയിച്ചു. നാല് മണിക്കൂറിലേറെ കഴിഞ്ഞാണ് മൃതദേഹങ്ങള് കണ്ടെത്താനായത്.
