അമേരിക്കൻ ദേശീയ രാഷ്ട്രീയത്തിലെ താരതമ്യേന പുതുമുഖങ്ങളായ ഒഹായോ സെനറ്റർ ജെ.ഡി വാൻസും മിനസോട്ട ഗവർണർ ടിം വാൾസും ഇന്നു വൈകിട്ട് മുഖദാവിൽ ഏറ്റുമുട്ടും. റിപ്പബ്ളിക്കൻ പാർട്ടിയുടെ വൈസ് പ്രസിഡൻ്റ് സ്ഥാനാർഥിയാണ് വാൻസ്. വാൾസ് ആണ് ഡെമോക്രാറ്റുകളുടെ വൈസ് പ്രസിഡൻ്റ് സ്ഥാനാർഥി. നവംബറിലെ തിരഞ്ഞെടുപ്പിന് മുമ്പുള്ള ഒരേയൊരു വൈസ് പ്രസിഡൻ്റ് ഡിബേറ്റാണ് ഇന്നു രാത്രി നടക്കുക.
മുൻ പ്രസിഡൻ്റ് ഡൊണാൾഡ് ട്രംപും വൈസ് പ്രസിഡൻ്റ് കമലാ ഹാരിസും തമ്മിലുള്ള സംവാദം നടന്ന് മൂന്നാഴ്ചയ്ക്ക് വൈസ് പ്രസിഡൻ്റ് സ്ഥാനാർഥികളുടെ ഈ സംവാദം. സിബിഎസ് ന്യൂസ് ഗ്രൂപ്പാണ് സംവാദം സംഘടിപ്പിക്കുന്നത്. ന്യൂയോർക്ക് സിറ്റിയിലെ സിബിഎസ് ബ്രോഡ്കാസ്റ്റ് സെൻ്ററിലാണ് സംവാദം നടക്കുന്നത്. ചൊവ്വാഴ്ച അമേരിക്കൻ സമയം രാത്രി 9 മണിക്കാണ് സംവാദം ആരംഭിക്കുക. 90 മിനിറ്റാണ് സംവാദം. 10.30 നു പരിപാടി അവസാനിക്കും.
CBS ഈവനിംഗ് ന്യൂസ്അ വതാരകയും മാനേജിംഗ് എഡിറ്ററുമായ നോറ ഒ’ഡൊണലും ഫേസ് ദ നേഷൻ മോഡറേറ്ററും ചീഫ് ഫോറിൻ അഫയേഴ്സ് കറസ്പോണ്ടൻ്റുമായ മാർഗരറ്റ് ബ്രണ്ണനും മോഡറേറ്റർമാരായിരിക്കും. പ്രസിഡൻഷ്യൽ ഡിബേറ്റിൽ പാലിച്ചിരുന്ന എല്ലാ നിയമങ്ങളും ഈ സംവാദത്തിനും ബാധകമാണ്. രണ്ട് കൊമേഴ്ഷ്യൽ ബ്രേക്ക് ഉണ്ടായിരിക്കും. ആ അവസരത്തിൽ സംവാദകർക്ക് ക്യാപെയ്ൻ ടീമുമായി സംസാരിക്കാൻ അനുവാദമില്ല. വേദിയിൽ കാഴ്ചക്കാരും ഉണ്ടായിരിക്കില്ല. .
മുൻകൂട്ടി എഴുതിയ കുറിപ്പുകളോ പ്രോപ്പുകളോ സ്റ്റേജിൽ കൊണ്ടുവരാൻ കഴിയില്ല. ഒരു ചോദ്യത്തിന് ഉത്തരം നൽകാൻ രണ്ട് മിനിറ്റും പ്രതികരിക്കാൻ രണ്ട് മിനിറ്റും ലഭിക്കും.
പ്രസിഡൻഷ്യൽ ഡിബേറ്റുകളിൽ നിന്ന് വ്യത്യസ്തമായി, ഒരു സ്ഥാനാർത്ഥിയുടെ മൈക്രോഫോൺ അവരുടെ എതിരാളി സംസാരിക്കുമ്പോൾ നിശബ്ദമാക്കില്ല, എന്നാൽ മൈക്രോഫോണുകൾ ഓഫ് ചെയ്യാനുള്ള അവകാശം CBS ന്യൂസിൽ നിക്ഷിപ്തമാണ്.
വ്യാഴാഴ്‌ച ഒരു വെർച്വൽ കോയിൻ ടോസ് നേടിയ വാൻസ്, രണ്ടാമത് സംസാരിക്കാനാണ് തീരുമാനിച്ചത്. വിഷയങ്ങളോ ചോദ്യങ്ങളോ കാമ്പെയ്‌നുകളുമായി മുൻകൂട്ടി പങ്കിടില്ല. സംവാദ കവറേജ് സിബിഎസ് സംപ്രേക്ഷണം ചെയ്യും. CBS ബ്രോഡ്കാസ്റ്റ് സ്റ്റേഷനുകളിലും അനുബന്ധ സ്ഥാപനങ്ങളിലും ഇത് ലൈവായി വഭിക്കും. Paramount+-ലും CBSNews.com, YouTube എന്നിവയുൾപ്പെടെ CBS ന്യൂസ് 24/7 ലഭ്യമായ എല്ലാ പ്ലാറ്റ്‌ഫോമുകളിലും സൗജന്യ CBS വാർത്താ ആപ്പിൽ സംവാദം സ്ട്രീം ചെയ്യാം.
US Vice President Candidates Vance And Walz will face off today At CBS Broadcast center Newyork
