കെന്റക്കിയിലെ ഒരു ഹൈസ്കൂൾ ഫുട്ബോൾ മത്സരത്തിനിടെ വെടിയുതിർത്ത 14 വയസ്സുള്ള ആൺകുട്ടിയെ പോലീസ് അറസ്റ്റ് ചെയ്തു. കെന്റക്കിയിലെ മെയ്ഫീൽഡിൽ മെയ്ഫീൽഡും ഗ്രേവ്സ് ഹൈസ്കൂളുകളും തമ്മിലുള്ള വാർഷിക “ബാറ്റിൽ ഓഫ് ദി ബേർഡ്സ്” ഫുട്ബോൾ മത്സരത്തിനിടെയായിരുന്നു വെടിവയ്പ്പ് എന്ന് അധികൃതർ പറഞ്ഞു. വെടിവെയിപ്പിൽ പരിഭ്രാന്തരായ കളിക്കാർ വാർ മെമ്മോറിയൽ സ്റ്റേഡിയത്തിൽ കളിക്കാർ മൈതാനത്ത് നിന്ന് ഓടി മറയാൻ ശ്രമിക്കുമ്പോൾ, കാണികൾ വെടിയുതിർക്കുന്നതിന്റെയും വെടിയുണ്ടകൾ എവിടെ നിന്നാണ് വരുന്നതെന്ന് കാണാൻ ചുറ്റും നോക്കുന്നതിന്റെയും ശബ്ദവും തുടർന്നുണ്ടായ പരിഭ്രാന്തിയും റെഡ് ഹെൽമെറ്റ് സ്പോർട്സ് നെറ്റ്‌വർക്ക് പുറത്തിറക്കിയ ഒരു തത്സമയ വീഡിയോയിൽ കാണാം.
വെടിവെയ്പ്പ് നടത്തിയ പ്രതിക്കെതിരെ ഫസ്റ്റ് ഡിഗ്രി ആക്രമണം ചുമത്തി ഞായറാഴ്ച ജുവനൈൽ തടങ്കൽ കേന്ദ്രത്തിൽ പാർപ്പിച്ചുവെന്ന് പൊലീസ് അറിയിച്ചു. വെടിവയ്പ്പിനുള്ള കാരണം അന്വേഷിച്ചുകൊണ്ടിരിക്കുകയാണ്. കുറ്റകൃത്യം കണ്ടവരോ ഇതിനെക്കുറിച്ച് എന്തെങ്കിലും വിവരമുള്ളവരോ ഉണ്ടെങ്കിൽ മെയ്ഫീൽഡ് പോലീസ് ഡിപ്പാർട്ട്‌മെന്റുമായി ബന്ധപ്പെടണമെന്ന് പോലീസ് അഭ്യർത്ഥിച്ചു. കെന്റക്കി സ്റ്റേറ്റ് പോലീസ്, ഫെഡറൽ ബ്യൂറോ ഓഫ് ആൽക്കഹോൾ, ടുബാക്കോ, ഫയർആംസ് ആൻഡ് എക്‌സ്‌പ്ലോസീവ്‌സ് എന്നിവർ സംയുക്തമായാണ് കേസ് അന്വേഷിക്കുന്നത്.
