ഡാളസ്: രഹസ്യവിവരത്തെ തുടര്ന്ന് നടത്തിയ പരിശോധനയില് ഡാളസില് നിന്നും ഏകദേശം 180 കിലോഗ്രാം) (400 പൗണ്ട് ) മരിജുവാന പൊലീസ് പിടിച്ചെടുത്തു. സംഭവവുമായി ബന്ധപ്പെട്ട് 47 വയസ്സുകാരനായ സെന്കി ലിന് എന്നയാളെ അറസ്റ്റ് ചെയ്തിട്ടുണ്ട്. നഗരത്തില് നിന്ന് ഇത്രയധികം മയക്കുമരുന്ന് പിടിച്ചെടുത്തത് അന്വേഷണത്തിന്റെ വലിയ വിജയമാണെന്ന് സ്പെഷ്യല് ഇന്വെസ്റ്റിഗേഷന്സ് ഡിവിഷന് കമാന്ഡര് മേജര് യാന്സി നെല്സണ് പറഞ്ഞു.
4300 ബ്ലോക്ക് ഓഫ് കമ്മ്യൂണിക്കേഷന്സ് ഡ്രൈവിലെ ഒരു സ്റ്റോറേജ് കേന്ദ്രത്തില് നിന്നാണ് മയക്കുമരുന്ന് കണ്ടെടുത്തത്. പ്രതിക്കെതിരെ മരിജുവാന കൈവശം വെച്ചതിന് കേസെടുക്കുകയും ചെയ്തു.
