സാധാരണയായി ഡിക്ഷ്ണറികളില് ഉള്പ്പെടുത്തുന്നത് പുതിയ വാക്കുകളെയാണെങ്കില് ഇത്തവണ ആ പതിവ് തെറ്റിച്ചിരിക്കുകയാണ് ഡിക്ഷ്ണറി.കോം. 6…7 എന്നീ രണ്ട് അക്കങ്ങളെയാണ് പുതിയ വാക്കായി ഇവര് പരിചയപ്പെടുത്തുന്നത്. ദശലക്ഷക്കണക്കിന് ഇംഗ്ലീഷ് പദങ്ങളുടെ നിര്വചനങ്ങള്, ഉച്ചാരണങ്ങള്, ഉദാഹരണങ്ങള് എന്നിവ നല്കുന്ന ഒരു ജനപ്രിയ ഓണ്ലൈന് നിഘണ്ടുവും ഭാഷാ ഉറവിടവുമാണ് Dictionary.com.
ഈ അക്കങ്ങളെ വാക്കായി വിശേഷിപ്പിക്കാമോയെന്ന സംശയം പ്രകടിപ്പിച്ചുകൊണ്ടു തന്നെയാണ് ഇത് തിരഞ്ഞടുത്തിരിക്കുന്നതും. കുട്ടികളും കൗമാരക്കാരും പതിവായി ഉപയോഗിക്കുകയും പറഞ്ഞു ചിരിക്കുകയും ചെയ്യുന്ന ഈ പ്രയോഗത്തിന്റെ അര്ഥം മുതിര്ന്നവര്ക്ക് അത്ര പരിചിതമല്ലെന്നും അര്ഥം മനസ്സിലാക്കാന് ശ്രമിക്കുകയാണെന്നും അധികൃതര് വിശദീകരിക്കുന്നുണ്ട്. മുതിര്ന്നവരെ ചൊടിപ്പി ക്കാന് കൗമാരക്കാര് ഉപയോ ഗിക്കുന്ന അര്ഥരഹിതമായ പദപ്രയോഗം എന്നാണു ഡിക്ഷ്ണറി.കോമിന്റെ പക്ഷം.
’67’ എന്നത് ‘6-7’ അല്ലെങ്കില് ‘six-sev’ എന്നും എഴുതിയിട്ടുണ്ട്. 2024ല് റാപ്പര് സ്ക്രില്ലയു ടെ ഡൂട്ട് ഡൂട്ട് (67) എന്ന ഗാനത്തില്നിന്നാണ് ഈ പ്രയോഗം പിറന്നുവീണത്. 6 അടി 7 ഇഞ്ച് ഉയരമുള്ള ബാസ്കറ്റ്ബോള് താരം ലാമെലോ ബോള് ഇതിന്റെ ടിക്ടോക് വിഡിയോ ചെയ്തതോടെ വീണ്ടും ഈ വാക്ക് വീണ്ടും വൈറലായി.
6…7 are not numbers; Last year’s viral word, selected by Dictionary.com.
