കണ്ണൂർ തളിപ്പറമ്പ് രാജരാജേശ്വര ക്ഷേത്രത്തിൽ പൊന്നിൻകുടം സമർപ്പിച്ച് നടൻ ദിലീപ്. ഇന്ന് രാവിലെയാണ് ക്ഷേത്രത്തിലെത്തി ദർശനം നടത്തി വഴിപാടായ പൊന്നുംകുടം വച്ച് സമർപ്പിച്ചത്. നടിയെ പീഡിപ്പിച്ച കേസിൽ എട്ടാം പ്രതിയായിരുന്ന നടൻ ദിലീപിനെ വിചാരണക്കോടതി കുറ്റവിമുക്തനാക്കിയിരുന്നു.
കേസിൽ ദിലീപിന്റെ പേരിൽ ഗൂഢാലോചനക്കുറ്റം നിലനിൽക്കില്ലെന്ന് എറണാകുളം പ്രിൻസിപ്പൽ കോടതി ഉത്തരവിൽ പറയുന്നു. കേസിൽ ഇന്നലെയാണ് എല്ലാ പ്രതികൾക്കും 20 വർഷം തടവും 50,000 രൂപയും കോടതി ശിക്ഷ വിധിച്ചത്.
കേരളത്തിലേയും കർണാടകയിലേയും പ്രമുഖ നേതാക്കൾ സ്ഥിരമായി തൊഴാൻ എത്താറുള്ള ക്ഷേത്രമാണ് കണ്ണൂർ തളിപ്പറമ്പ് രാജരാജേശ്വര ക്ഷേത്രം. കേന്ദ്ര ആഭ്യന്തര മന്ത്രി അമിത് ഷാ ഉൾപ്പെടെയുള്ള നിരവധി പ്രമുഖ നേതാക്കൾ ഇവിടെ വഴിപാടായ പൊന്നിൻകുടം സമർപ്പിച്ചിട്ടുണ്ട്.
Actor Dileep visited Rajarajeshwara Temple at Taliparamba in Kannur and offered Ponnumkudam.
