ഷിക്കാഗോ മലയാളി അസോസിയേഷൻ പുതിയ ഭരണസമിതി ഉദ്ഘാടനവും കേരളപ്പിറവി ആഘോഷവും ഗംഭീരമായി

ഷിക്കാഗോ : ഷിക്കാഗോ മലയാളി അസോസിയേഷന്റെ 2025-27 കാലത്തേക്കുള്ള പുതിയ ഭരണസമിതിയുടെ പ്രവർത്തനോദ്‌ഘാടനവും 69-മത് കേരളപ്പിറവി ദിനാഘോഷവും മോർട്ടൻ ഗ്രോവിലുള്ള സെന്റ് മേരീസ് ക്നാനായ കാത്തലിക് ചർച്ച് ഓഡിറ്റോറിയത്തിൽ നടന്നു . ഷിക്കാഗോ മലയാളി അസോസിയേഷന്റെ മുൻ പ്രസിഡന്റ്മാരായി വിവിധ കാലയളവുകളിൽ പ്രവർത്തിച്ച പതിനൊന്നു പേരുടെ സാന്നിധ്യത്തിൽ ഈയിടെ സ്ഥാനമൊഴിഞ്ഞ പ്രസിഡന്റ് ജെസ്സി റിൻസി ,പുതിയ പ്രസിഡന്റ് ജോസ് മണക്കാട്ടിന് ദീപം പകർന്നു നൽകിക്കൊണ്ട് ചുമതലകൾ കൈമാറി. സിറോ മലബാർ സഭ ഷിക്കാഗോ രൂപതാധ്യക്ഷൻ മാർ ജോയ് ആലപ്പാട്ട് പുതിയ ഭരണസമിതിയുടെ പ്രവർത്തനോദ്ഘാടനം നിർവ്വഹിച്ചു . പുതിയ നേതൃത്വത്തിന്റെ കീഴിൽ അസോസിയേഷൻ ശക്തി പ്രാപിക്കട്ടെ എന്ന് അദ്ദേഹം ആശംസിച്ചു.

പ്രസിഡൻ്റ് ജോസ് മണക്കാട് പൊതുസമ്മേളനത്തിൻ്റെ അധ്യക്ഷനായിരുന്നു. അടുത്ത രണ്ടു വർഷം കൊണ്ട് സംഘടനയെ ശക്തിപ്പെടുത്താനുള്ള പ്രവർത്തനങ്ങൾ സ്വീകരിക്കുമെന്നും നിരവധി പ്രവർത്തനങ്ങൾ ആസൂത്രണം ചെയ്യുന്നുണ്ടെന്നും അദ്ദേഹം പറഞ്ഞു.

മുൻ അധ്യക്ഷന്മാരെ പ്രതിനിധീകരിച്ച് സംസാരിച്ച ശ്രീ ജോയ് വാച്ചാച്ചിറ ,പുതിയ തലമുറയെ എങ്ങനെ സംഘടനയിലേക്ക് ആകർഷിക്കാം എന്നും അവരിലേക്ക് നമ്മുടെ മൂല്യങ്ങൾ എങ്ങനെ പകരാം എന്നതിനെക്കുറിച്ചും സംസാരിച്ചു .

ചിക്കാഗോ ഇന്ത്യൻ കോൺസൽ ഹെഡ് ലിമ മാത്യു,ഫാ.സിജു മുടക്കോടിൽ ,ഫൊക്കാന നാഷണൽ എക്സിക്യൂട്ടീവ് വൈസ് പ്രസിഡന്റ് പ്രവീൺ തോമസ് ,ഫോമാ സെൻട്രൽ റീജിയൻ വൈസ് പ്രസിഡന്റ് ജോൺസൻ കണ്ണൂക്കാടൻ എന്നിവർ ആശംസകൾ അറിയിച്ചു കൊണ്ട് സംസാരിച്ചു . ഷിക്കാഗോ മലയാളി അസോസിയേഷൻ ജനറൽ സെക്രട്ടറി ബിജു മുണ്ടക്കൽ സ്വാഗതം പറഞ്ഞു.

തുടർന്ന് മാർ ജോയ് ആലപ്പാട്ട് ,ലിമ മാത്യു,ഫാ.സിജു മുടക്കോടിൽ, ജോസ് മണക്കാട്ട് , ബിജു മുണ്ടക്കൽ ,അച്ചൻകുഞ്ഞു മാത്യു, ലൂക്ക് ചിറയിൽ ,സാറ അനിൽ ,പ്രിൻസ് ഈപ്പൻ ,പ്രവീൺ തോമസ്,ജോൺസൻ കണ്ണൂക്കാടൻ എന്നിവർ ചേർന്ന് നിലവിളക്കു കൊളുത്തി കേരളപ്പിറവി ആഘോഷങ്ങൾ ഉദ്‌ഘാടനം ചെയ്തു.

പ്രിൻസ് ഈപ്പൻ പൊതു സമ്മേളനത്തിന്റെ എം സി ആയിരുന്നു . ട്രെഷറർ അച്ചൻകുഞ്ഞു മാത്യു കൃതജ്ഞത രേഖപ്പെടുത്തിയാതോടൊപ്പം മലയാളി സമൂഹത്തിന്റെ സഹകരണം തുടർന്നും അഭ്യർത്ഥിച്ചു .

തുടർന്ന് മിസ് സാറ അനിലിന്റെ നേതൃത്വത്തിൽ നടത്തപ്പെട്ട കലാപരിപാടികൾ അതിഗംഭീരമായി. പ്രതിഭ ആൻഡ് സരിത ടീമിന്റ സെമി ക്ലാസിക്കൽ ഡാൻസും ഭരതനാട്യവും ഷിചിക്കാഗോ മണവാളെൻസിന്റെ പ്രകടനവും കേരളപ്പിറവി ദിനത്തിൽ ചിക്കാഗോ മലയാളികൾക്ക് കണ്ണിനു കുളിർമയായി.

Chicago Malayali Association’s new governing body inaugurated