ഒട്ടാവ: ചൈനീസ് വീഡിയോ നിരീക്ഷണ ഉപകരണ നിർമ്മാതാക്കളായ ഹൈക്ക് വിഷൻ കമ്പനിയോട് കാനഡ വിടാൻ ഉത്തരവ്. ദേശീയ സുരക്ഷാ ആശങ്കകൾ കണക്കിലെടുത്താണ് രാജ്യത്തെ എല്ലാ പ്രവർത്തനങ്ങളും നിർത്തിവയ്ക്കാനും കനേഡിയൻ ബിസിനസ്സ് അടച്ചുപൂട്ടാനും ചൈനീസ് വീഡിയോ നിരീക്ഷണ ഉപകരണ നിർമ്മാതാക്കളായ ഹൈക്ക് വിഷനോട് കനേഡിയൻ സർക്കാർ ഉത്തരവിട്ടതായി കാനഡയുടെ ഇന്നൊവേഷൻ, സയൻസ്, വ്യവസായ മന്ത്രി മെലാനി ജോളി അറിയിച്ചു. .
ഹൈക്ക് വിഷൻ കാനഡയിൽ തുടരുന്ന പ്രവർത്തനങ്ങൾ കാനഡയുടെ ദേശീയ സുരക്ഷയ്ക്ക് ഹാനികരമാകുമെന്ന് സർക്കാർ കണ്ടെത്തിയിട്ടുണ്ട്. ഇൻവെസ്റ്റ്മെന്റ് കാനഡ ആക്ടിന് കീഴിലുള്ള ഒരു ദേശീയ സുരക്ഷാ അവലോകനത്തെത്തുടർന്ന്, കാനഡയിലെ എല്ലാ പ്രവർത്തനങ്ങളും നിർത്തിവയ്ക്കാനും അവരുടെ കനേഡിയൻ ബിസിനസ്സ് അവസാനിപ്പിക്കാനും കാനഡ സർക്കാർ ഹൈക്ക് വിഷനോട്-നോട് ഉത്തരവിട്ടുവെന്ന് മെലാനി ജോളി പ്രസ്താവനയിൽ പറഞ്ഞു. കാനഡയുടെ സുരക്ഷാ, രഹസ്യാന്വേഷണ സമൂഹം നൽകിയ വിവരങ്ങളും തെളിവുകളും അടിസ്ഥാനത്തിൽ നടന്ന ഒരു മൾട്ടി-സ്റ്റെപ്പ് അവലോകനത്തിന്റെ ഫലമാണ് ഈ തീരുമാനം. ഇൻവെസ്റ്റ്മെന്റ് കാനഡ നിയമപ്രകാരമുള്ള ഈ ദേശീയ സുരക്ഷാ അവലോകനത്തിന്റെ ഭാഗമായുള്ള തീരുമാനം കാനഡയ്ക്ക് പുറത്തുള്ള ഹൈക്ക് വിഷന്റെ പ്രവർത്തനങ്ങൾക്ക് ബാധിക്കുന്നതല്ല എന്നും ജോളി പറഞ്ഞു.
കനേഡിയൻമാരെല്ലാവരും ഇക്കാര്യം ശ്രദ്ധിക്കണമെന്നും അതിനനുസരിച്ച് സ്വന്തം തീരുമാനങ്ങൾ എടുക്കണം. അതോടൊപ്പം, സർക്കാർ വകുപ്പുകളിലും ഏജൻസികളിലും ക്രൗൺ കോർപ്പറേഷനുകളിലും ഹൈക്ക് വിഷന്റെ ഉൽപ്പന്നങ്ങൾ വാങ്ങുന്നതോ ഉപയോഗിക്കുന്നതോ കനേഡിയൻ സർക്കാർ നിരോധിച്ചിട്ടുണ്ട്. ഹൈക്ക് വിഷന്റെ ഉൽപ്പന്നങ്ങൾ ഇനി മുതൽ ഉപയോഗിക്കുന്നില്ലെന്ന് ഉറപ്പാക്കാൻ നിലവിലുള്ള പ്രോപ്പർട്ടികളുടെ ഒരു അവലോകനം കാനഡ സർക്കാർ നടത്തുന്നുണ്ട്. വിദേശ നിക്ഷേപത്തെ കാനഡ സർക്കാർ സ്വാഗതം ചെയ്യുന്നുണ്ടെങ്കിലും കാനഡയുടെ ദേശീയ സുരക്ഷയിൽ ഒരിക്കലും വിട്ടുവീഴ്ച ചെയ്യില്ലെന്നും ഇതിന്റെ ഭാഗമായാണ് ഈ നടപടിയെന്നും ജോളി കൂട്ടിച്ചേർത്തു.
