വാഷിങ്ടണ്: ഇസ്രയേല് ഇനി ഖത്തറിനെ ആക്രമിക്കില്ലെന്ന് വ്യക്തമാക്കി അമേരിക്കന് പ്രസിഡന്റ് ഡോണള്ഡ് ട്രംപ്. ദോഹ ഉച്ചകോടിക്ക് പിന്നാലെയാണ് ട്രംപിന്റെ പരാമര്ശം. നെതന്യാഹു ഇക്കാര്യത്തില് തനിക്ക് ഉറപ്പ് നല്കിയിട്ടുണ്ടെന്നും ട്രംപ് പറഞ്ഞു. കൂടാതെ മുഴുവന് ബന്ദികളെയും ഉടന് മോചിപ്പിക്കണമെന്ന് ഹമാസിനും ട്രംപ് മുന്നറിയിപ്പ് നല്കി.
ഇസ്രയേല് പ്രസിഡന്റ് ബെഞ്ചമിന് നെതന്യാഹു ഖത്തറിനെ ആക്രമിക്കാന് പോകുന്ന വിവരം നേരത്തെ തന്നെ അറിയിച്ചിട്ടില്ലെന്നും ഖത്തറിനെ ആക്രമിക്കാനുള്ള തീരുമാനം നെതന്യാഹുവിന്റേതാണെന്നും തന്റേതല്ലെന്നും ട്രംപ് നേരത്തെ വ്യക്തമാക്കിയിരുന്നു. അതേസമയം നെതന്യാഹു ഹമാസിനെ ലക്ഷ്യമിട്ട് ഇസ്രയേല് ഇനിയും ആക്രമണം നടത്തിയേക്കാമെന്നാണ് റിപ്പോർട്ടുകൾ.
