വാഷിംഗ്ടണ്‍ : ലൈംഗിക കുറ്റവാളിയായ ജെഫ്രി എപ്സ്‌റ്റൈന്‍ തന്നെ യുഎസ് വിര്‍ജിന്‍ ദ്വീപുകളിലേക്ക് ‘കൊണ്ടുപോകാന്‍ ശ്രമിച്ചു’ എന്ന് ടെക് കോടീശ്വരനായ ഇലോണ്‍ മസ്‌ക് ഞായറാഴ്ച പറഞ്ഞു. ഈ ദീപുകളില്‍വെച്ചാണ് നിരവധി സ്ത്രീകള്‍ എപ്സ്‌റ്റൈന്‍ തങ്ങളെ ദുരുപയോഗം ചെയ്തുവെന്ന് വെളിപ്പെടത്തിയത്. വളരെ വിവാദപരമായ ജെഫ്രി എപ്സ്‌റ്റൈന്‍ ഫയലുകളില്‍ മസ്‌കിന്റെ പേരും ഉള്‍പ്പെടുത്തിയിരുന്നുവെന്ന വിവാദം കൊഴുക്കുന്നതിനിടെയാണ് അദ്ദേഹത്തിന്റെ പരാമര്‍ശങ്ങള്‍.
‘എപ്സ്‌റ്റൈന്‍ എന്നെ അദ്ദേഹത്തിന്റെ ദ്വീപിലേക്ക് പോകാന്‍ പ്രേരിപ്പിച്ചു, ഞാന്‍ അത് നിരസിച്ചു’ എക്സിലെ ഒരു പോസ്റ്റില്‍ മസ്‌ക് പറഞ്ഞു. തെറ്റായ വിവരമാണ് ഇപ്പോള്‍ പുറത്തുവന്നിരിക്കുന്നതെന്നും മസ്‌ക് വ്യക്തമാക്കി.
ഡെമോക്രാറ്റിക് നിയമനിര്‍മ്മാതാക്കള്‍ ശനിയാഴ്ച പുറത്തിറക്കിയ ആറ് പേജുള്ള പുതിയ രേഖകള്‍ പ്രകാരം 2014 ഡിസംബര്‍ 6 ന് എപ്സ്റ്റീന്റെ ദ്വീപിലേക്ക് മസ്‌ക് നടത്തിയ ഒരു യാത്രയെക്കുറിച്ചുള്ള വിവരങ്ങളുമുണ്ടായിരുന്നു. 2003-ൽ ട്രംപ് എപ്‌സ്റ്റീന് ജന്മദിന കുറിപ്പ് എഴുതിയതായി ഒരു റിപ്പോർട്ട് ആരോപിക്കപ്പെട്ടതുമുതൽ മസ്‌ക്, ട്രംപ് ഭരണകൂടത്തെ വിമർശിച്ചുവരികയാണ്. എപ്‌സ്റ്റീൻ ഫയലുകളിൽ ട്രംപിന്റെ പേര് പ്രത്യക്ഷപ്പെട്ടുവെന്ന് അദ്ദേഹം അവകാശപ്പെട്ടിരുന്നു. രേഖകൾ പുറത്തുവിടാതെ ഇപ്പോഴും മറച്ചുവെച്ചിരിക്കാനുള്ള കാരണമാണിതെന്നും ആരോപണമുണ്ട്.
