ജോമോൻ ജോയ്
ബെൽവിൽ, ഒന്റാറിയോ, കാനഡ: സെൻ്റ് കുര്യാക്കോസ് സിറോ മലബാർ ദേവാലയത്തിലെ സംയുക്ത തിരുനാൾ ആഘോഷം ആഗസ്റ്റ് 15 മുതൽ 17 വരെ ഭക്തിനിബദ്ധതയോടെയും ആഘോഷോത്സാഹത്തോടെയും ആചരിക്കും. ആഗസ്റ്റ് 15, വെള്ളിയാഴ്ച വൈകിട്ട് 6.30ന് ആരംഭിക്കുന്ന തിരുനാൾ ആഘോഷത്തിൽ ആരാധന, വിശുദ്ധ കുർബാന, നേർച്ച വിഭവ വിതരണങ്ങൾ തുടങ്ങിയവ ഉണ്ടായിരിക്കും.
ആഗസ്റ്റ് 16, ശനിയാഴ്ച വൈകിട്ട് 6.30ന്, വിശുദ്ധ കുർബാനയും, രൂപം വെഞ്ചിരിപ്പും, തിരുനാൾ കൊടിയേറ്റവും, പൂർവികരുടെ അനുസ്മരണവും ഭക്തിയോടും നിമിഷഗൗരവത്തോടെയും നടത്തപ്പെടും.
പ്രധാന തിരുനാൾ ദിനമായ ആഗസ്റ്റ് 17, ഞായറാഴ്ച വൈകിട്ട് 4.30ന്, പ്രസുദേന്തി വാഴ്ചയോടുകൂടി തിരുകർമ്മങ്ങൾ ആരംഭിക്കും. തുടർന്ന് തിരുനാൾ സമൂഹബലിയും, തിരുനാൾ പ്രദക്ഷിണവും, നേർച്ച ഭക്ഷണവും ഉണ്ടായിരിക്കും.
തിരുനാളിനോടനുബന്ധിച്ച് CK ബീറ്റ്സ് ചാത്തം നയിക്കുന്ന ശിങ്കാരിമേളം ആഘോഷത്തിൻ്റെ താളം ഉയർത്തും. പ്രത്യേക ആകർഷണമായി, ഇടവകാംഗങ്ങൾ തയ്യാറാക്കിയ ഫുഡ് ട്രക്ക് വ്യത്യസ്ത വിഭവങ്ങളാൽ ഭക്തജനത്തിന് രുചിപുരസ്സരമായ അനുഭവം നൽകും. കുടുംബങ്ങളെയും വിശ്വാസജനതയെയും ഒരുമിപ്പിക്കുന്ന ഈ തിരുനാൾ, ഏകതയും ആത്മീയതയും പങ്കുവെക്കുന്ന ഒരു പ്രിയപ്പെട്ട സന്ദർഭമായി മാറുന്നു.
feast at St. Kuriakose Chavara Syro-Malabar Church Belleville Canada
