ലോകത്തിലെ ഏറ്റവും വലിയ മലയാളി സംഘടനയായ ഫോമയുടെ കേരള കൺവെൻഷൻ കോട്ടയം വിൻസർ കാസിൽ ഹോട്ടൽലിൽ ജനുവരി മാസം 9ന് തുടക്കം കുറിക്കുന്നു. തുടർന്ന് 250 ഓളം അമേരിക്കൻ, കനേഡിയൻ മലയാളികൾ അണിചേരുന്ന ബോട്ടിംഗ് ജനുവരി 10ന് കുമരകത്ത് വച്ച് നടത്തപ്പെടുന്നു.
ജനുവരി 11ന് എറണാകുളത്ത് ഗോകുലം ഹോട്ടലിൽ വച്ച് നടത്തപ്പെടുന്ന ബിസിനസ് മീറ്റോടെ കേരള കൺവെൻഷൻ പ്രവർത്തനങ്ങൾക്ക് സമാപനം കുറിക്കുന്നു.
അമേരിക്കയുടെയും കാനഡയുടയും വിവിധഭാഗങ്ങളിൽ നിന്ന് 250 ഓളം ആളുകൾ കൺവെൻഷനിൽ രജിസ്റ്റർ ചെയ്തിട്ടുണ്ട്. ഇനിയും നിരവധി ആളുകൾ രജിസ്റ്റർ ചെയ്യുവാൻ മുന്നോട്ടു വന്നിട്ടുണ്ട്.
മുഖ്യമന്ത്രി ഉൾപ്പെടെയുള്ള മന്ത്രിമാർ, രാഷ്ട്രീയ പ്രവർത്തകർ,സാമുദായിക സാംസ്കാരിക പ്രവർത്തകർ എന്നിവർ കേരള കൺവെൻഷൻ പ്രവർത്തനങ്ങൾക്ക് മാറ്റുകൂട്ടുവാൻ അണിചേരുന്നു
സൂപ്പർസ്റ്റാറുകളുടെ കലാപ്രകടനങ്ങൾ കേരള കൺവെൻഷന് ജനശ്രദ്ധ പിടിച്ചുവാൻ കാരണമായി.ഏകദേശം ആയിരത്തിൽപരം ആളുകൾക്ക് ഇരിക്കാവുന്നതാണ് കോട്ടയം Windsor castle ഓഡിറ്റോറിയം.
യുഎസിലെ മലയാളികളുടെ സംഘടനകളുടെ സംഘടനയായ ഫോമയുടെ കേരള കൺവെൻഷൻ പ്രവർത്തനങ്ങൾ വിജയകരമാക്കാൻ ഏവരുടെയും സഹായസഹകരണങ്ങൾ അഭ്യർത്ഥിച്ചു കൊള്ളുന്നതായി ഫോമ വൈസ് പ്രസിഡന്റ് ഷാലു മാത്യു പുന്നൂസ് അറിയിച്ചു.
FOMAA kerala convevtion from January 9 to 11
