ആലപ്പുഴ: പൂച്ചാക്കലിലെ സ്വകാര്യ ശിശു സംരക്ഷണ കേന്ദ്രത്തില്‍ നിന്നും രണ്ട് പെണ്‍കുട്ടികളെ കാണാതായി. സൂര്യ അനില്‍കുമാര്‍ (15), ശിവകാമി (16) എന്നിവരെയാണ് കാണാതായത്. പൂച്ചാക്കൽ പോലീസ് സ്റ്റേഷൻ പരിധിയിലെ ദിശ കാരുണ്യ കേന്ദ്രം ഗേൾസ് ഫോം എന്ന പെൺകുട്ടികൾക്കായുള്ള ശിശു സംരക്ഷണ കേന്ദ്രത്തിൽ നിന്നും ഇന്ന് പുലർച്ചെ ഒരു മണിയോടെ കാണാതായി. സംഭവത്തില്‍ പൂച്ചാക്കല്‍ പോലീസ് അന്വേഷണം വ്യാപകമാക്കിയിട്ടുണ്ട്. ഈ കുട്ടികളെ കുറിച്ചുള്ള വിവരം എന്തെങ്കിലും ലഭിക്കുകയാണെങ്കിൽ പൂച്ചാക്കൽ പോലീസ് സ്റ്റേഷനിൽ അറിയിക്കാൻ പൊതുജനങ്ങളോട് അഭ്യർത്ഥിച്ചിട്ടുണ്ട്. കുട്ടികള്‍ രണ്ട് പേരും പുലര്‍ച്ചെ ശിശു സംരക്ഷണ കേന്ദ്രത്തില്‍ നിന്നും ഇറങ്ങിപ്പോകുന്ന സി സി ടി വി ദൃശ്യങ്ങള്‍ പോലീസിന് ലഭിച്ചിട്ടുണ്ട്.
വിവരം ലഭിച്ചാൽ അറിയിക്കേണ്ടത്
ഇൻസ്പെക്ടർ എസ് എച്ച് ഒ- 9497947284
പോലീസ് സബ് ഇൻസ്പെക്ടർ -9497980287
പൂച്ചാക്കൽ പോലീസ് സ്റ്റേഷൻ- 0478 2522249
