വാഷിംഗ്ടണ്‍: യുഎസ് വിദ്യാഭ്യാസ വകുപ്പിനെ അടച്ചുപൂട്ടാനുള്ള പ്രസിഡന്‍റ് ഡോണൾഡ് ട്രംപിന്‍റെ ശ്രമത്തിന് കോടതിയിൽ നിന്ന് തിരിച്ചടി. വ്യാഴാഴ്ച യുഎസ് ഡിസ്ട്രിക്റ്റ് ജഡ്ജി മയോങ് ജോൺ ഒരു പ്രാഥമിക ഉത്തരവ് പുറപ്പെടുവിച്ചു. ഫെഡറൽ ഏജൻസിയെ ചെറുതാക്കാനും ഒടുവിൽ ഇല്ലാതാക്കാനുമുള്ള ഭരണകൂടത്തിന്റെ വിവാദപരമായ പദ്ധതിയെ തടയുന്നതാണ് ഈ ഉത്തരവ്. മാർച്ച് 11-ന് കൂട്ടപ്പിരിച്ചുവിട്ട ജീവനക്കാരെ ഉടനടി തിരിച്ചെടുക്കാനും കോടതി ഉത്തരവിട്ടിട്ടുണ്ട്.
മാസച്യൂസറ്റ്സിലെ സോമർവില്ലെ, ഈസ്റ്റാംപ്ടൺ സ്കൂൾ ജില്ലകൾ, അമേരിക്കൻ ഫെഡറേഷൻ ഓഫ് ടീച്ചേഴ്സ് (AFT), കൂടാതെ നിരവധി അനുബന്ധ വിദ്യാഭ്യാസ ഗ്രൂപ്പുകൾ എന്നിവർ സമർപ്പിച്ച കേസിലാണ് വിധി വന്നത്. കോൺഗ്രസിന്‍റെ അനുമതിയില്ലാതെയും അവശ്യ പൊതുസേവനങ്ങൾക്ക് നഷ്ടം വരുത്തിക്കൊണ്ടും ഡിപ്പാർട്ട്‌മെന്‍റിനെ ഭരണഘടനാ വിരുദ്ധമായി ഇല്ലാതാക്കാനുള്ള ട്രംപ് ഭരണകൂടത്തിന്റെ നടപടികളാണ് നടക്കുന്നതെന്ന് അവർ വാദിച്ചു.
കൂട്ടപ്പിരിച്ചുവിടലിന്‍റെ വ്യാപ്തി ഡിപ്പാർട്ട്‌മെന്‍റിനെ തളർത്താൻ സാധ്യതയുണ്ട് എന്നാണ് ജഡ്ജി മുന്നറിയിപ്പ് നൽകിയത്.
