തിരുവനന്തപുരം: ചാനല് ചര്ച്ചയില് വിദ്വേഷ പരാമര്ശത്തിനു പിന്നാലെ പി.സി ജോര്ജിനെതിരെ കേസെടുത്ത സംഭവത്തില് പ്രതികരിച്ച് ബി ജെ പി സംസ്ഥാന അദ്ധ്യക്ഷന് കെ സുരേന്ദ്രന്. മതമൗലികവാദികളുടെ ഭീഷണിക്ക് വഴങ്ങി പി സിക്കെതിരെ സര്ക്കാര് കേസെടുത്തത് അന്യായമാണെന്നും ഇത് അംഗീകരിക്കാനാവില്ലെന്നും ബി ജെപി നിയമപരമായും രാഷ്ട്രീയമായും നേരിടുമെന്നും സുരേന്ദ്രന് പറഞ്ഞു.
പിസിയെ മതമൗലികവാദികള് വേട്ടയാടുകയാണെന്നും ചാനല് ചര്ച്ചയില് സംഭവിച്ച നാക്ക് പിഴക്ക് അദ്ദേഹം ഫേസ്ബുക്കിലൂടെ മാപ്പ് പറഞ്ഞിട്ടും വേട്ടയാടുന്നത് അംഗീകരിക്കാനാവില്ലെന്നും അദ്ദേഹം ചൂണ്ടിക്കാട്ടി.
ടി.ജെ ജോസഫ് മാഷിനെതിരെ വി എസ് സര്ക്കാര് കേസെടുത്തതിന് സമാനമാണ് ഇപ്പോള് പി സി ജോര്ജിനെതിരെ പിണറായി സര്ക്കാര് കേസെടുത്തത്. ഇതിന്റെ ധൈര്യത്തിലായിരുന്നു തീവ്രവാദികള് ജോസഫ് മാഷിന്റെ കൈവെട്ടിയത്. പി സിക്കെതിരെയും ഇത്തരത്തിലാണ് മതമൗലികവാദികള് കൊലവിളി മുഴക്കുന്നതെന്നും കെ സുരേന്ദ്രന് ആഞ്ഞടിച്ചു.
