ടോക്കിയോ: യുഎസ് പ്രസിഡന്റ് ഡോണൾഡ് ട്രംപിന്റെ ഭരണകൂടം പുതിയ നിയമങ്ങൾ പ്രാബല്യത്തിൽ വരുത്തിയതിനെത്തുടർന്ന് ജപ്പാൻ, ഓസ്‌ട്രേലിയ, തായ്‌വാൻ എന്നീ രാജ്യങ്ങൾ അമേരിക്കയിലേക്കുള്ള ചില പാഴ്സൽ കയറ്റുമതി താൽക്കാലികമായി നിർത്തിവെച്ചു. താരിഫ് ഇളവുകൾ അവസാനിപ്പിക്കുന്നതാണ് പുതിയ നിയമം.
800 ഡോളറോ അതിൽ താഴെയോ വിലയുള്ള സാധനങ്ങൾക്ക് തീരുവയില്ലാതെ യുഎസിലേക്ക് കയറ്റുമതി ചെയ്യാൻ അനുവദിച്ചിരുന്ന “ഡി മിനിമസ്” എന്ന ഇളവ് വെള്ളിയാഴ്ച മുതൽ ഇല്ലാതാകും.
വില കുറഞ്ഞ ഇറക്കുമതിയുടെ വേഗത കുറച്ച് ആഭ്യന്തര ഉത്പാദനം വർദ്ധിപ്പിക്കുക എന്ന ലക്ഷ്യത്തോടെയാണ് ട്രംപ് ഭരണകൂടം ഈ മാറ്റം കൊണ്ടുവന്നത്. എന്നാൽ, ഈ നീക്കം ലോകമെമ്പാടുമുള്ള തപാൽ ശൃംഖലകളെയും ഇ-കൊമേഴ്‌സ് വിതരണ ശൃംഖലകളെയും തടസ്സപ്പെടുത്തി. പല രാജ്യങ്ങളും ഇപ്പോൾ യുഎസ് താരിഫ് വർദ്ധനവിനെ നേരിടാനുള്ള വഴികൾ തേടുകയാണ്.
