വാഷിംഗ്ടണ് : ഷട്ട് ഡൗണ് അവസാനിക്കാതെ തുടരുന്നതിനിടെ യുഎസിനേക്കുറിച്ചുള്ള ആശങ്ക അമേരിക്കന് ജനതയില് വര്ധിക്കുന്നതായി അടുത്തിടെ നടത്തിയ സര്വ്വേ ഫലം വ്യക്തമാക്കുന്നു. രാജ്യം ‘വളരെ ഗുരുതരമായ തെറ്റായ പാതയിലാണെന്ന്’ അമേരിക്കക്കാരില് മൂന്നില് രണ്ട് പേരും പറയുന്നുവെന്നാണ് എബിസി ന്യൂസ്/വാഷിംഗ്ടണ് പോസ്റ്റ്/ഇപ്സോസ് പോള് പറയുന്നത്. അതേസമയം രാജ്യം ശരിയായ ദിശയിലേക്കാണ് നീങ്ങുന്നതെന്ന് മൂന്നിലൊന്നുപേര് മാത്രമാണ് പറയുന്നതെന്ന് ഇപ്സോസിന്റെ നോളജ് പാനല് ഉപയോഗിച്ച് നടത്തിയ സര്വ്വേയിലുണ്ട്.
മൊത്തത്തില്, അമേരിക്കക്കാര് അസന്തുഷ്ടരും ഉത്കണ്ഠാകുലരുമാണെന്ന് സര്വ്വേ ഫലങ്ങള് വ്യക്തമാക്കുന്നു. പ്രസിഡന്റ് ഡോണള്ഡ് ട്രംപ് അധികാരമേറ്റതിനുശേഷം സമ്പദ്വ്യവസ്ഥ കൂടുതല് വഷളായതായി നേരിയ ഭൂരിപക്ഷം ജനത ചൂണ്ടിക്കാട്ടുന്നു. പറയുന്നു. ഗവണ്മെന്റ് അടച്ചുപൂട്ടലില് ഭൂരിപക്ഷം അമേരിക്കക്കാരും കൂടുതല് ആശങ്കാകുലരാണെന്ന് സാരം.
റിപ്പബ്ലിക്കന്മാരേക്കാള് (29%) കൂടുതല് ഡെമോക്രാറ്റുകളും (95%) സ്വതന്ത്രരും (77%) രാജ്യം ‘തെറ്റായ പാതയിലാണെന്ന്’ പറയുന്നു. വെളുത്ത അമേരിക്കക്കാരേക്കാള് (61%) കറുത്തവര്ഗ്ഗക്കാര് (87%), ഹിസ്പാനിക് (71%), ഏഷ്യന് (71%) അമേരിക്കക്കാര് എന്നിവരും വലിയ ആശങ്ക പങ്കുവെക്കുന്നുണ്ട്. മാത്രമല്ല, നഗര, പ്രാന്തപ്രദേശ, ഗ്രാമപ്രദേശങ്ങളിലെ ഭൂരിപക്ഷം അമേരിക്കക്കാരും രാജ്യം തെറ്റായ ദിശയിലേക്ക് നീങ്ങുകയാണെന്ന് പറയുന്നതായി സര്വ്വേ ചൂണ്ടിക്കാട്ടുന്നു. അതുപോലെ തന്നെ വ്യത്യസ്ത വിദ്യാഭ്യാസ നിലവാരവും വരുമാനവുമുള്ളവരും ഇതേ ആശങ്ക പങ്കുവയ്ക്കുന്നുണ്ട്.
രാജ്യം തെറ്റായ ദിശയിലേക്കാണ് നീങ്ങുന്നതെന്ന് 67% പേര് പറയുന്നുണ്ടെങ്കിലും, 2024 നവംബറില് പ്രസിഡന്റ് തിരഞ്ഞെടുപ്പിന് മുമ്പ് 75% പേര് ഇതേ അഭിപ്രായം പറഞ്ഞിരുന്നതുവെച്ചു നോക്കുമ്പോള് ഇത് കുറവാണ്. നിലവിലെ പണപ്പെരുപ്പ നിരക്കിന് 10 ല് 6 അമേരിക്കക്കാരും ട്രംപിനെ കുറ്റപ്പെടുത്തുകയും 10 ല് 6 ല് കൂടുതല് പേര് ട്രംപ് താരിഫുകള്, സമ്പദ്വ്യവസ്ഥ, ഫെഡറല് ഗവണ്മെന്റ് എന്നിവയെ കൈകാര്യം ചെയ്യുന്ന രീതിയേയും വിമര്ശിക്കുന്നുണ്ട്. ഇതുമാത്രമല്ല, മറ്റ് നിരവധി വിഷയങ്ങള് അദ്ദേഹം കൈകാര്യം ചെയ്യുന്ന രീതിയെയും ഭൂരിപക്ഷം അമേരിക്കക്കാരും അംഗീകരിക്കുന്നില്ലെന്നും സര്വ്വേഫലം കാണിക്കുന്നു.
പ്രസിഡന്റ് സ്ഥാനത്തിന്റെ അധികാരം വികസിപ്പിക്കാന് ശ്രമിക്കുന്നതില് ട്രംപ് ‘അമിതമായി മുന്നോട്ട് പോകുന്നുവെന്ന്’ 64% അമേരിക്കക്കാരും പറയുന്നു. ട്രംപിന് കീഴില് ലോകത്തിലെ അമേരിക്കയുടെ നേതൃത്വം ദുര്ബലമായെന്ന് സര്വ്വേയുടെ ഭാഗമായ ഏകദേശം പകുതി അമേരിക്കക്കാരും (48%) പറയുന്നു. അതേസമയം 33 ശതമാനം പേരും അത് കൂടുതല് ശക്തമായെന്നും പറയുന്നു. എന്നാല്, 10 ല് 2 പേര് അത് അതേപടി തന്നെയാണെന്ന് പറയുന്നു. 18 ശതമാനംപേര് അദ്ദേഹത്തിന്റെ രണ്ടാം ടേമില് കാര്യമായ മാറ്റമൊന്നും സംഭവിച്ചിട്ടില്ലെന്നും സര്വ്വേയിലൂടെ ചൂണ്ടിക്കാട്ടി.
സമ്പദ്വ്യവസ്ഥയെക്കുറിച്ച് ആശങ്ക
ട്രംപ് പ്രസിഡന്റായതിനുശേഷം സമ്പദ്വ്യവസ്ഥ കൂടുതല് വഷളായതായി 52% അമേരിക്കക്കാരും പറയുന്നു, അതേസമയം സമ്പദ്വ്യവസ്ഥ മെച്ചപ്പെട്ടുവെന്ന് 27% പേരും അതേപടി തുടരുന്നുവെന്ന് 20% പേരും പറയുന്നു. സമ്പദ്വ്യവസ്ഥ ‘വളരെ മോശമാണ്’ എന്ന് പറയുന്നവരും 26% കൂടുതലാണ്. 50,000 ഡോളറില് താഴെ കുടുംബ വരുമാനമുള്ളവരില് 10 ല് 6 പേരും, അതായത് 57% പേരും പറയുന്നത് ട്രംപ് പ്രസിഡന്റായതിനുശേഷം സമ്പദ്വ്യവസ്ഥ മോശമാണെന്നാണ്. നിലവിലെ പണപ്പെരുപ്പ നിരക്കിന് ട്രംപിനെ കുറ്റപ്പെടുത്തുന്ന അമേരിക്കക്കാരില് 10 ല് 6 പേര് ഉള്പ്പെടുന്നു. അതില് മൂന്നിലൊന്ന് പേര് ട്രംപിനാണ് ഇതിന്റെ വലിയ ഉത്തരവാദിത്തം ഉള്ളതെന്നും പറയുന്നു.
ഭൂരിപക്ഷം ഡെമോക്രാറ്റുകളും (92%) സ്വതന്ത്രരും (66%) നിലവിലെ പണപ്പെരുപ്പ നിരക്കിന് ട്രംപാണ് ഉത്തരവാദിയെന്ന് പറയുന്നു. റിപ്പബ്ലിക്കന്മാരില് 20% പേരും ഇതേ കാര്യം ആവര്ത്തിക്കുന്നു എന്നതും ശ്രദ്ധേയം. ട്രംപ് പ്രസിഡന്റായപ്പോഴുള്ളതുവെച്ച് താരതമ്യം ചെയ്യുമ്പോള് സാമ്പത്തികമായി ‘അത്ര സുഖകരമല്ല’ എന്ന് പറയുന്ന അമേരിക്കക്കാരുടെ അനുപാതം 37% മുതല് 18% വരെ കൂടുതലാണ്. 45% ബഹുഭൂരിപക്ഷവും അവരുടെ സാമ്പത്തിക സ്ഥിതി ‘ഏകദേശം സമാനമാണ്’ എന്ന് അഭിപ്രായപ്പെടുന്നു.
Most Americans worry country is on the wrong path, blame Trump for inflation: Survey
