ബീഹാർ തിരഞ്ഞെടുപ്പ് പത്രിക പുറത്തിറക്കി എൻഡിഎ. ഒരു കോടിയിലധികം പുതിയ സർക്കാർ ജോലികളും ഒരു കോടി സ്ത്രീകളെ ‘ലാഖ് പതി ദീദിസ്’ (പ്രതിവർഷം ഒരു ലക്ഷത്തിലധികം രൂപ സമ്പാദിക്കുന്ന സ്ത്രീകൾ) ആക്കി ശാക്തീകരിക്കുമെന്നും വാഗ്ദാനം ചെയ്യുന്നതാണ് പ്രകടനപത്രിക.
ബീഹാർ മുഖ്യമന്ത്രി നിതീഷ് കുമാർ, കേന്ദ്രമന്ത്രി ചിരാഗ് പാസ്വാൻ, ബിജെപി ദേശീയ പ്രസിഡന്റ് ജെ.പി. നദ്ദ തുടങ്ങിയവരുടെ സാന്നിധ്യത്തിൽ വെള്ളിയാഴ്ച പുറത്തിറക്കിയ പ്രകടനപത്രിക, ഓരോ വിളയ്ക്കും മിനിമം താങ്ങുവില (എം‌എസ്‌പി) നൽകുമെന്നും വാഗ്ദാനം ചെയ്യുന്നു.
ഇന്ത്യാ ബ്ലോക്ക് അധികാരത്തിൽ വന്നാൽ ഓരോ കുടുംബത്തിനും ഒരു സർക്കാർ ജോലി എന്ന പ്രതിപക്ഷ വാഗ്ദാനത്തിനുള്ള മറുപടിയായി എല്ലാ യുവാക്കൾക്കും തൊഴിൽ വാഗ്ദാനം ചെയ്യുന്നതാണ് എൻഡിഎ പ്രകടന പത്രിക.
നൈപുണ്യ അധിഷ്ഠിത ജോലികൾ പ്രോത്സാഹിപ്പിക്കുന്നതിനായി ഒരു നൈപുണ്യ സെൻസസ് നടത്തുകയും ബിഹാറിനെ ഒരു ആഗോള നൈപുണ്യ കേന്ദ്രമാക്കി മാറ്റുന്നതിന് എല്ലാ ജില്ലയിലും മെഗാ സ്‌കിൽ സെന്ററുകൾ സ്ഥാപിക്കുകയും ചെയ്യും” എന്ന് പ്രകടനപത്രികയിൽ പറയുന്നു.
വനിതാ വോട്ടർമാരെ ലക്ഷ്യം വച്ചുകൊണ്ട്, മുഖ്യമന്ത്രി മഹിളാ റോസ്ഗർ യോജന വഴി അവർക്ക് 2 ലക്ഷം രൂപ വരെ സാമ്പത്തിക സഹായം നൽകുമെന്നും വാഗ്ദാനമുണ്ട്. വനിതാ സംരംഭകരെ കോടീശ്വരന്മാരാക്കി മാറ്റുന്നതിനുള്ള മിഷൻ ക്രോർപതി എന്ന സ്കീമും നടപ്പാക്കും.
69 പേജുള്ള പ്രകടന പത്രികയിൽ കർഷകരുടെ അന്തസ്സ് ഉറപ്പാക്കൽ, പ്രതിവർഷം 3,000 രൂപ (ആകെ 9,000 രൂപ) നൽകുന്ന കർപുരി താക്കൂർ കിസാൻ സമ്മാൻ നിധി എന്നിവ ഉൾപ്പെടുന്ന 25 വാഗ്ദാനങ്ങൾ ഉൾപ്പെടുന്നു.
ദരിദ്രർക്ക് സൗജന്യ റേഷൻ, 125 യൂണിറ്റ് സൗജന്യ വൈദ്യുതി, 5 ലക്ഷം രൂപ വരെ സൗജന്യ ചികിത്സ, 50 ലക്ഷം വീടുകൾ, സാമൂഹിക സുരക്ഷാ പെൻഷനുകൾ എന്നിവയും എൻഡിഎ വാഗ്ദാനം ചെയ്യുന്നു.
മറ്റ് വാഗ്ദാനങ്ങൾ
വളരെ പിന്നാക്കം നിൽക്കുന്ന വിഭാഗങ്ങളുടെ (ഇബിസി) ഉന്നമനത്തിനായി, ഈ വിഭാഗത്തിൽപ്പെട്ട വിവിധ പ്രൊഫഷണൽ ഗ്രൂപ്പുകൾക്ക് 10 ലക്ഷം രൂപ ധനസഹായം എൻഡിഎ വാഗ്ദാനം ചെയ്തു.
നാല് നഗരങ്ങളിൽ കൂടി മെട്രോ ട്രെയിൻ സർവീസുകൾ തുടങ്ങും
സംസ്ഥാനത്തെ ഏഴ് അന്താരാഷ്ട്ര വിമാനത്താവളങ്ങൾ നിർമിക്കും
ഏഴ് എക്സ്പ്രസ് വേകൾ.
പത്ത് വ്യവസായ പാർക്കുകൾ.
ദരിദ്രർക്ക് കെജി മുതൽ പിജി വരെ സൗജന്യ വിദ്യാഭ്യാസം.
ഉന്നത വിദ്യാഭ്യാസം നേടുന്ന പട്ടികജാതി വിദ്യാർത്ഥികൾക്ക് പ്രതിമാസം 2,000 രൂപ സഹായം.
എൻഡിഎ അധികാരത്തിലെത്തിയാൽ, ഓരോ ജില്ലയിലും ഒരു മെഡിക്കൽ കോളേജ്
NDA published Manifesto in Bihar
