രാജു മൈലപ്രാ
ടാമ്പാ: മലങ്കര ഓര്ത്തഡോക്സ് സഭയുടെ പ്രഥമ പരിശുദ്ധനായ പരുമല തിരുമേനിയുടെ 123-ാമത് ഓര്മ്മ പെരുന്നാള് ടാമ്പാ സെന്റ് ഗ്രിഗോറിയോസ് ഓര്ത്തഡോക്സ് ദേവാലയത്തില് നവംബര് 1, 2 തീയതികളില് ഭക്തിസാന്ദ്രമായ അന്തരീക്ഷത്തില് നടത്തപ്പെടും.ഒക്ടോബര് 26 ഞായറാഴ്ച വിശുദ്ധ കുര്ബാനാനന്തരം പള്ളിയങ്കണത്തില് കുരിശിന് തൊട്ടിയുടെ സമീപത്തായി സ്ഥാപിതമായ പുതിയ ‘കാന്ഡില് സ്റ്റാന്ഡില്’ കൂദാശ സമര്പ്പണത്തിന് ശേഷം പെരുന്നാള് ആഘോഷങ്ങള്ക്ക് തുടക്കംകുറിച്ചുകൊണ്ട് ഇടവക വികാരി വെരി. റവ. ജോര്ജ് പൗലോസ് കോര് – എപ്പിസ്കോപ്പ കൊടിയേറ്റ് കര്മ്മം നിര്വഹിച്ചു.വെരി. റവ. തോമസ് പോള് റമ്പാച്ചനാണ് ഈ വര്ഷത്തെ പെരുന്നാള് ശുശ്രൂഷകളിലെ മുഖ്യ കാര്മികന്. വെരി. റവ. വി.സി വര്ഗീസ് കോര് – എപ്പിസ്കോപ്പ, വെരി. റവ. ഇട്ടന് പിള്ള കോര്- എപ്പിസ്കോപ്പ, വെരി. റവ. ജോര്ജ് പൗലോസ് കോര് – എപ്പിസ്കോപ്പ എന്നിവര് സഹ കാര്മ്മികരായിരിക്കും.വിശ്വാസികളായ എല്ലാവരും ഇടവകയുടെ കാവല് പിതാവായ പരിശുദ്ധ പരുമല തിരുമേനിയുടെ ഓര്മ്മ പെരുന്നാള് ശുശ്രൂഷകളില് പങ്കെടുത്ത് അനുഗ്രഹം പ്രാപിക്കണമെന്ന് ഇടവക വികാരി റവ. ജോര്ജ് പൗലോസ് കോര് – എപ്പിസ്കോപ്പ ആഹ്വാനം ചെയ്തു.
