കൊച്ചി : പോക്സോ കേസിലെ നടന് കൂട്ടിക്കല് ജയചന്ദ്രന് സുപ്രീംകോടതി മുന്കൂര് ജാമ്യം അനുവദിച്ചു. അന്വേഷണ ഊദ്യോഗസ്ഥന് എപ്പോള് വിളിച്ചാലും ചോദ്യം ചെയ്യലിന് ഹാജരാകണമെന്നും അന്വേഷണവുമായി സഹകരിക്കണമെന്നുമടക്കമുള്ള ഉപാധികളോടെയാണ് ജാമ്യം അനുവദിച്ചത്. ഉപാധികള് ലംഘിച്ചാല് മുന്കൂര് ജാമ്യം റദ്ദാക്കുമെന്നും ജസ്റ്റിസ് നാഗരത്ന വ്യക്തമാക്കി.
നാലുവയസുകാരിയെ പീഡിപ്പിച്ചെന്ന പരാതിയില് കഴിഞ്ഞ വര്ഷം ജൂണിലാണ് കൂട്ടിക്കല് ജയചന്ദ്രനെതിരെ പോക്സോ കേസ് രജിസ്റ്റര് ചെയ്തത്. എന്നാല്
നടന് ഒളിവിലാണെന്ന് പറഞ്ഞ് നടനെ പൊലീസ് അറസ്റ്റ് ചെയ്തിരുന്നില്ല. അന്വേഷണം തുടരുന്നതിനിടെ നടന് കോഴിക്കോട് പോക്സോ കോടതിയില് ജാമ്യാപേക്ഷ നല്കിയിരുന്നെങ്കിലും തള്ളിയിരുന്നു. തുടര്ന്ന് മുന്കൂര് ജാമ്യാപേക്ഷയുമായി ഹൈക്കോടതിയെ സമീപിച്ചു. പക്ഷേ ഹൈക്കോടതിയും മുന്കൂര് ജാമ്യം അനുവദിച്ചില്ല. പിന്നാലെയാണ് നടന് സുപ്രീംകോടതിയെ സമീപിച്ചത്.
