ഫ്ലോറിഡ: ശനിയാഴ്ച ഫ്ലോറിഡയിലെ ഗൾഫ് തീരത്തുള്ള കലൂസഹാച്ചി നദിയിൽ ഒരു തോണി മറിഞ്ഞുണ്ടായ അപകടത്തിൽ മൂന്ന് പേർ മരിച്ചതായി അധികൃതർ അറിയിച്ചു. കേപ് കോറലിനും ഫോർട്ട് മയേഴ്സിനും ഇടയിലുള്ള കേപ് കോറൽ യാച്ച് ക്ലബ്ബിന് സമീപം പ്രാദേശിക സമയം വൈകുന്നേരം 4 മണിയോടെയാണ് ദുരന്തം സംഭവിച്ചതെന്ന് ലീ കൗണ്ടി മറൈൻ എമർജൻസി റെസ്പോൺസ് ടീം പറഞ്ഞു.
തോണി അപകടത്തിൽപ്പെട്ടപ്പോൾ അതിൽ നാലുപേർ ഉണ്ടായിരുന്നു. സംസ്ഥാന, തദ്ദേശ, ഫെഡറൽ ഏജൻസികൾ നടത്തിയ തിരച്ചിലിൽ ശനിയാഴ്ച മൂന്ന് പേരെ നദിയിൽ നിന്ന് പുറത്തെടുത്തിരുന്നു. ഇവരുടെ രണ്ടുപേരുടെ മരണം അപ്പോൾത്തന്നെ സംഭവിച്ചിരുന്നു. മൂന്നാമത്തെയാൾ ആശുപത്രിയിൽ ഗുരുതരാവസ്ഥയിൽ തുടരുകയാണ്. അപകടത്തിനുശേഷം കാണാതായ 60 വയസ്സുള്ള ഒരാളെ ഞായറാഴ്ച മരിച്ച നിലയിൽ കണ്ടെത്തി.
മരിച്ച മൂന്ന് പേരുടെ പേരുവിവരങ്ങൾ ഇതുവരെ പുറത്തുവിട്ടിട്ടില്ല. ബോട്ട് അപകടത്തിന്റെ കാരണം അന്വേഷിച്ചുകൊണ്ടിരിക്കുകയാണെന്ന് കോസ്റ്റ് ഗാർഡ് അറിയിച്ചു.
Three dead after catamaran capsizes on Florida river.
