വാഷിംഗ്ടണ്: യുഎസില് നാല്പതുദിവസമായി തുടരുന്ന ഭരണ സ്തംഭനം അവസാനിപ്പിക്കാന് ഡെമോക്രാറ്റിക് – റിപ്പബ്ലിക്കന് സെനറ്റര്മാര് ചര്ച്ചചെയ്ത് രൂപെകൊടുത്ത കരാരിനെ പുകഴ്ത്തി പ്രസിഡന്റ് ഡോണള്ഡ് ട്രംപ്. യുഎസിലെ ഏറ്റവും ദൈര്ഘ്യമേറിയ സര്ക്കാര് അടച്ചുപൂട്ടല് അവസാനിപ്പിക്കാനുള്ള കരാര് ‘വളരെ നല്ലതാണ്’ എന്ന് ട്രംപ് പറയുന്നു.
‘നമ്മുടെ രാജ്യം വളരെ വേഗത്തില് തുറക്കും,’ ട്രംപ് ഓവല് ഓഫീസില് മാധ്യമപ്രവര്ത്തകരോട് പറഞ്ഞു. കരാര് പ്രകാരം അടച്ചുപൂട്ടല് സമയത്ത് പിരിച്ചുവിട്ട ഫെഡറല് ജീവനക്കാരെ പുനഃസ്ഥാപിക്കുന്നത് ഉള്പ്പെടെയുള്ള നിബന്ധനകളില് ഉറച്ചുനില്ക്കുമോ എന്ന് ചോദിച്ചപ്പോള്, ‘കരാര് പാലിക്കുമെന്നും’ ‘കരാര് വളരെ നല്ലതാണെന്നും’ ട്രംപ് പ്രതികരിച്ചു.
അടച്ചുപൂട്ടല് കാരണം സര്ക്കാര് സേവനങ്ങള് താല്ക്കാലികമായി നിര്ത്തിവയ്ക്കുകയും ഏകദേശം 1.4 ദശലക്ഷം ഫെഡറല് ജീവനക്കാര് ശമ്പളമില്ലാതെ അവധിയിലാകുകയോ ശമ്പളമില്ലാതെ ജോലി ചെയ്യുകയോ ചെയ്തു. സ്റ്റാഫ് ക്ഷാമം കാരണം 7,000-ത്തിലധികം വിമാനങ്ങള് വൈകിയതും 2,000 എണ്ണം റദ്ദാക്കിയതും മൂലം യുഎസ് വിമാനത്താവളങ്ങളില് അരാജകത്വത്തിന് കാരണമായി. അടച്ചുപൂട്ടല് സമയത്ത് ശമ്പളം ലഭിക്കാത്ത എയര് ട്രാഫിക് കണ്ട്രോളര്മാരോട് ‘ജോലിയില് തിരിച്ചെത്താന്’ പ്രസിഡന്റ് ട്രംപ് ആവശ്യപ്പെട്ടു.
Trump likes the deal to end shutdown.
