റിയാദ്: ഇന്ത്യ- പാകിസ്താന് വെടിനിര്ത്തല് ധാരണയുണ്ടായത് തന്റെ മിടുക്കുമൂലമെന്ന് ആവര്ത്തിച്ച് അമേരിക്കന് പ്രസിഡന്റ് ഡൊണാള്ഡ് ട്രംപ്. വ്യാപാര കരാര് ചര്ച്ചകള് ഉപയോഗിച്ചാണ് ഇരു രാജ്യങ്ങളേയും വെടിനിര്ത്തല് ധാരണയിലേക്ക് എത്തിച്ചതെന്നും നാലു വര്ഷം നീളേണ്ട സംഘര്ഷമാണ് താന് അവസാനിപ്പിച്ചെന്നും ട്രംപ് വീണ്ടും അവകാശപ്പെട്ടു. സൗദി സന്ദര്ശനത്നിതിടെയായിരുന്നു ട്രംപിന്റെ പരാമര്ശം. മധ്യസ്ഥ ചര്ച്ചകള്ക്ക് നേതൃത്വം വഹിച്ചത് അമേരിക്കന് വൈസ് പ്രസിഡന്റ് ജെ.ഡി. വാന്സും യു.എസ് സ്റ്റേറ്റ് സെക്രട്ടറി മാര്ക്കോ റൂബിയോയുമാണെന്നും ട്രംപ് പറഞ്ഞു
ഓപ്പറേഷന് സിന്ദൂറിനു ശേഷമുണ്ടായ വെടിനിര്ത്തലില് മൂന്നാമതൊരു കക്ഷിയുടെ ഇടപെടല് ഉണ്ടായിട്ടില്ലെന്ന് വിദേശകാര്യ മന്ത്രാലയ വക്താവ് രണ്ധീര് ജയ്സ്വാള് വ്യക്തമാക്കി മണിക്കൂറുകള് മാത്രം പിന്നിടുമ്പോഴാണ് ട്രംപ് ഈ അവകാശം ഉന്നയിച്ചിരിക്കുന്നത്.
ഈ കാര്യങ്ങൾ ട്രംപ് നേരത്തെയും പറഞ്ഞിരുന്നു. സംഘര്ഷം അവസാനിപ്പിച്ചാല് ഇരുരാജ്യങ്ങളുമായും അമേരിക്ക കൂടുതല് വ്യാപാരം നടത്തുമെന്നും അദ്ദേഹം അവകാശപ്പെട്ടിരുന്നു.
പ്രധാനമന്ത്രി നരേന്ദ്രമോദി രാജ്യത്തോട് നടത്തിയ അഭിസംബോധനയക്ക് തൊട്ട് മുൻപായിരുന്നു ട്രംപിന്റെ ആദ്യ പരാമര്ശം. വെടിനിര്ത്തലിനുള്ള ആവശ്യമുന്നയിച്ചത് പാകിസ്താനാണെന്നും ചര്ച്ച നടന്നത് ഡിജിഎംഒ തലത്തില് മാത്രമാണെന്നും രണ്ധീര് ജയ്സ്വാള് തിങ്കളാഴ്ച നടന്ന വാര്ത്താസമ്മേളനത്തില് വ്യക്തമാക്കിയിരുന്നു. വെടിനിര്ത്തല് ധാരണയില് മൂന്നാമതൊരു കക്ഷിയുടെ മധ്യസ്ഥത ഉണ്ടായിട്ടില്ലെന്നും വിദേശകാര്യ വക്താവ് വ്യക്തമാക്കി.
Trump reiterates India-Pakistan ceasefire is his smart move
