വാഷിംഗ്ടൺ: യുഎസ് പ്രസിഡന്‍റ് ഡോണൾഡ് ട്രംപിന്‍റെ പ്രധാന നികുതി, ചെലവ്, നയപരമായ നിയമനിർമ്മാണ പാക്കേജിന് കനത്ത തിരിച്ചടി. സെനറ്റിന്‍റെ പാർലമെന്‍റേറിയൻ, റിപ്പബ്ലിക്കൻമാരെ നിയമത്തിന് അനുകൂലമായി വോട്ട് ചെയ്യാൻ പ്രേരിപ്പിക്കുന്നതിനായി രൂപകൽപ്പന ചെയ്ത പ്രധാന മെഡികെയ്ഡ് വ്യവസ്ഥകൾ ബില്ലിൽ ഉൾപ്പെടുത്താൻ കഴിയില്ലെന്ന് വിധി വന്നിട്ടുള്ളത്.
പ്രധാന നിയമ വിദഗ്ധന്റെ ഈ തീരുമാനം, കുറഞ്ഞ വരുമാനമുള്ള കുടുംബങ്ങൾക്കുള്ള ഫെഡറൽ ആരോഗ്യ ഇൻഷുറൻസായ മെഡികെയ്ഡിന് റിപ്പബ്ലിക്കൻമാർ നിർദ്ദേശിച്ച മാറ്റങ്ങളുമായി ബന്ധപ്പെട്ടതാണ്. ഇത് നിയമനിർമ്മാണത്തെക്കുറിച്ചുള്ള ചർച്ചയിലെ പ്രധാന എതിര്‍പ്പുകളിൽ ഒന്നായിരുന്നു. ട്രംപും മറ്റ് റിപ്പബ്ലിക്കൻമാരും, ഡെമോക്രാറ്റുകളുടെ ആരുടെയും പിന്തുണയും കൂടാതെ ബിൽ പാസാക്കാനാണ് ലക്ഷ്യമിടുന്നത്. ആരോഗ്യമുള്ള മുതിർന്നവർക്ക് ജോലി നിർബന്ധമാക്കിയും, പൗരന്മാരല്ലാത്തവർക്ക് പ്രവേശനം നിഷേധിച്ചും മെഡികെയ്ഡ് ചെലവ് കുറയ്ക്കാനാണ് പ്രധന ലക്ഷ്യം.
