വാഷിംഗ്ടൺ: ക്രിസ്തുമസും ന്യൂ ഇയറും അടക്കമുള്ള അവധിക്കാലം വാതിൽക്കൽ എത്തിയതോടെ ട്രംപ് ബ്രാൻഡിൻ്റെ വോഡ്ക വിൽപ്പനയും തകൃതിയായി നടക്കുന്നുണ്ട്. എന്നാൽ, ഇതിനെതിരെ വ്യാപക വിമർശനവും ഉയരുന്നുണ്ട്. പ്രസിഡന്റ് ഡോണൾഡ് ട്രംപിന്റെ രണ്ടാമത്തെ മകൻ എറിക് ട്രംപ്, ട്രംപ് വോഡ്ക പ്രീ-ഓർഡറുകൾ ലഭ്യമാണെന്ന് എക്‌സിലൂടെ പ്രഖ്യാപിച്ചതോടെയാണ് വിവാദം തലപൊക്കിയത്.
ട്രംപ് വോഡ്ക കുപ്പിയുടെ ഒരുചിത്രം എറിക് പങ്കുവെച്ചിരുന്നു. അതിൽ അമേരിക്കൻ പതാകയും മഞ്ഞ നിറത്തിൽ ‘ദി ഗ്രേറ്റ് അമേരിക്കൻ സ്പിരിറ്റ്’ എന്നും എഴുതിയിട്ടുണ്ട്. എറിക്കിൻ്റെ പ്രഖ്യാപനം ഓൺലൈനിൽ വളരെയധികം കോളിളക്കം സൃഷ്ടിച്ചു. ട്രംപ് മദ്യപിക്കില്ലെന്നും അങ്ങനെയൊരു കുടുംബത്തിൽ നിന്നും വരുന്ന വോഡ്ക അസംബന്ധമാണെന്നും ചിലർ പ്രതികരിച്ചു. ട്രംപ് മദ്യപിക്കാറില്ല. അദ്ദേഹത്തിന്റെ സഹോദരൻ മദ്യപാനം മൂലമാണ് മരിച്ചത്…” മറ്റൊരാൾ കുറിച്ചു. മദ്യപിക്കാത്ത ആൾക്ക് എന്തിനാണ് വോഡ്ക ബ്രാൻഡ്…ഇങ്ങനെ പലരും അദ്ദേഹത്തെ വിമർശിക്കുന്നുണ്ട്.
So excited to announce that @trumpvodka is available for pre-orders! Head over to https://t.co/f8aooUgClC to get your hands on the first bottles! Cheers! 🇺🇸🍸 pic.twitter.com/YddPIyOMqD
— Eric Trump (@EricTrump) November 28, 2025
മദ്യം ഒഴിവാക്കിയ ട്രംപ്
ട്രംപ് തന്റെ ആദ്യ പ്രസിഡന്റ് തിരഞ്ഞെടുപ്പിൽ വിജയിച്ചതിന് ശേഷം ഫോക്സ് ന്യൂസിനോട് താൻ മദ്യപിക്കാറില്ലെന്ന് തുറന്നുപറഞ്ഞിരുന്നു. ട്രംപിന്റെ മൂത്ത സഹോദരൻ ഫ്രെഡിയുടെ മരണത്തിൽ നിന്നാണ് ഈ തീരുമാനം ഉണ്ടായത്. 42 വയസ്സുള്ളപ്പോൾ മദ്യപാനം മൂലമുണ്ടായ അസുഖങ്ങൾ കാരണമാണ് ഫ്രെഡി മരിച്ചത്.
“അത് വളരെ ദുഷ്‌കരമായ ഒരു കാലഘട്ടമായിരുന്നു. നിങ്ങൾ മദ്യപിക്കാൻ തുടങ്ങിയില്ലെങ്കിൽ നിങ്ങൾക്ക് ഒരിക്കലും ഒരു പ്രശ്‌നമുണ്ടാകില്ല. നിങ്ങൾ തുടങ്ങിയാൽ നിങ്ങൾക്ക് ഒരു പ്രശ്‌നമുണ്ടാകാം. അത് നിർത്താൻ ബുദ്ധിമുട്ടുള്ള ഒരു പ്രശ്‌നമാണ്,” ട്രംപ് ഫോക്സ് ന്യൂസിനോട് അന്ന് പറഞ്ഞത് ഇങ്ങനെ
Trump Vodka announcement sparks controversy.
