കോന്നി: കരിമാൻതോട് തൂമ്പാക്കുളത്ത് സ്കൂൾ വിദ്യാർഥികളുമായി പോയ ഓട്ടോറിക്ഷ മറിഞ്ഞ് രണ്ട് വിദ്യാർഥികൾക്ക് ദാരുണാന്ത്യം. റോഡിൽ പാമ്പിനെ കണ്ട് വെട്ടിച്ച ഓട്ടോറിക്ഷ 50 അടിയോളം താഴ്ചയിലുള്ള തോട്ടിലേക്കാണ് വീണതാണ് ദുരന്തമായത്. മൂന്നാം ക്ലാസുകാരിയും നാലാം ക്ലാസുകാരനുമാണ് നാടിനെ നടുക്കിയ ദുരന്തത്തിൽ ജീവൻ നഷ്ടമായത്. കരിമാൻതോട് ശ്രീനാരായണ സ്കൂൾ വിദ്യാർഥിനി ആദിലക്ഷ്മി (എട്ട്), യദു കൃഷ്ണ (9) എന്നവരാണ് അപകടത്തിൽ മരിച്ചത്. റോഡിൽ പാമ്പിനെ കണ്ട് വെട്ടിച്ചപ്പോൾ ഓട്ടോ തോട്ടിലേക്കു മറിയുകയായിരുന്നു.
ആറു വിദ്യാർഥികളാണ് ഓട്ടോറിക്ഷയിൽ ഉണ്ടായിരുന്നത്. ഒരു വിദ്യാർഥി ഒഴികെ എല്ലാവർക്കും കാര്യമായി പരുക്കേറ്റിട്ടുണ്ട്. പത്തനംതിട്ടയിലെ സ്വകാര്യ ആശുപത്രിയിൽ എത്തിച്ചപ്പോഴേക്കും ആദിലക്ഷ്മി മരിച്ചിരുന്നു. ഫയർഫോഴ്സ് മണിക്കൂറുകൾ തിരച്ചിൽ നടത്തിയാണ് തൈപ്പറമ്പിൽ മൻമദന്റെ മകൻ യദുകൃഷ്ണയെ കണ്ടെത്തിയത്. ഗുരുതരമായി പരുക്കേറ്റ യദുകൃഷ്ണയെയും ആശുപത്രിയിൽ എത്തിച്ചപ്പോഴേക്കും മരിച്ചിരുന്നു.
അപകടത്തിൽ പരിക്കേറ്റ തൂമ്പാക്കുളം മാടപ്പള്ളിൽ മനോജിന്റെ മകൾ ജുവൽ സാറാ തോമസിനെ തിരുവല്ലയിലെ സ്വകാര്യ ആശുപത്രിയിൽ പ്രവേശിപ്പിച്ചു. ചാഞ്ഞപ്ളാക്കൽ അനിലിന്റെ മകൾ ശബരിനാഥ്, കൊല്ലംപറമ്പിൽ ഷാജിയുടെ മകൾ അൽഫോൺസ എന്നിവർ പത്തനംതിട്ടയിലെ സ്വകാര്യ ആശുപത്രിയിൽ ചികിത്സയിലാണ്. ഡ്രൈവറുടെ പരുക്ക് ഗുരുതരമല്ലെന്നാണ് വിവരം.
Two school kids die as auto swerves to avoid snake plunges 50ft in Pathanamthitta
