ഇന്ത്യ നടത്തിയ ‘ഓപ്പറേഷൻ സിന്ദൂർ’ ആക്രമണത്തിന് പകരം ഇന്ത്യക്കു നേരെ ആക്രമണം നടത്തരുതെന്ന് യുഎസ് കോൺഗ്രസ് അംഗം റോ ഖന്ന പാക്കിസ്താനോട് ആവശ്യപ്പെട്ടു. പാകിസ്ഥാൻ സൈനിക മേധാവി അസിം മുനീറിനെ ഏകാധിപതി എന്ന് വിശേഷിപ്പിച്ച യുഎസ് കോൺഗ്രസ് അംഗം റോ ഖന്ന, ഇസ്ലാമാബാദിനോട് തിരിച്ചടിക്കരുതെന്ന് ആവശ്യപ്പെടുകയായിരുന്നു. ഏപ്രിൽ 22 ന് പഹൽഗാമിൽ നടന്ന ഭീകരാക്രമണത്തിൽ 26 സാധാരണക്കാർ കൊല്ലപ്പെട്ടതിനെത്തുടർന്ന് രണ്ട് അയൽക്കാർ തമ്മിൽ രൂപംകൊണ്ട സംഘർഷം കുറയ്ക്കണമെന്ന് ഖന്ന ആവശ്യപ്പെട്ടു.
“രണ്ടുപേർക്കും ആണവായുധങ്ങളുണ്ട്. ശരി, ഏറ്റവും അടിയന്തര കാര്യം സംഘർഷം കുറയ്ക്കുക എന്നതാണ്. അതായത്, പഹൽഗാമിൽ ഒരു ഭീകരാക്രമണം നടന്നു, നിരപരാധികൾ കൊല്ലപ്പെട്ടു. ചില തീവ്രവാദ ശൃംഖലകളെ ഇല്ലാതാക്കാൻ സഹായിച്ച ഒരു പ്രതികരണമാണ് ഇന്ത്യ സ്വീകരിച്ചത്. ഇപ്പോൾ പ്രധാന കാര്യം സംഘർഷം കുറയ്ക്കുക എന്നതാണ്,” സി‌എൻ‌എന്നിന് നൽകിയ അഭിമുഖത്തിൽ റോ ഖന്ന പറഞ്ഞു.
ഇന്ത്യയും പാകിസ്ഥാനും തമ്മിലുള്ള സംഘർഷം പരിഹരിക്കുന്നതിന് മേഖലയെയും അതിന്റെ നയതന്ത്ര രാഷ്ട്രീയത്തെയും മനസ്സിലാക്കുന്ന ആളുകൾ യുഎസ് പ്രസിഡന്റ് ഡൊണാൾഡ് ട്രംപിന്റെ ടീമിൽ ഉണ്ടെന്ന് കരുതുന്നതായി ഡെമോക്രാറ്റ് നേതാവ് പ്രതികരിച്ചു.
US Congressman Ro Khanna urges Pakistan not to retaliate
