വാഷിംഗ്ടൺ : എല്ലാ H-1B , H-4 വിസാ അപേക്ഷകരും ഡിസംബർ 15 മുതൽ നിർബന്ധിത സോഷ്യൽ മീഡിയ സ്ക്രീനിംഗിന് വിധേയരാകുമെന്ന് യുഎസ് സ്റ്റേറ്റ് ഡിപ്പാർട്ട്മെന്റ് ബുധനാഴ്ച അറിയിച്ചു. സൂക്ഷ്മപരിശോധന സാധ്യമാക്കുന്നതിന് അപേക്ഷകർ അവരുടെ സോഷ്യൽ മീഡിയ അക്കൗണ്ടുകൾ “പബ്ലിക്” എന്ന ക്രമീകരണങ്ങളിലേക്ക് മാറ്റേണ്ടിവരും. യുഎസിൻ്റെ ഡിജിറ്റൽ-ഫൂട്ട്പ്രിന്റ് നയത്തിന്റെ ഒരു പ്രധാനനീക്കമാണിതെന്ന് എന്ന് ഇമിഗ്രേഷൻ വിദഗ്ധർ പറയുന്നു.
സ്റ്റേറ്റ് ഡിപ്പാർട്ട്മെന്റ് പറയുന്നതനുസരിച്ച് , കോൺസുലർ ഉദ്യോഗസ്ഥർ അപേക്ഷകന്റെ സോഷ്യൽ മീഡിയ പ്രൊഫൈലുകൾ, പൊതു പോസ്റ്റുകൾ, ഓൺലൈൻ പ്ലാറ്റ്ഫോമുകളിലും ഡാറ്റാബേസുകളിലും ലഭ്യമായ വിവരങ്ങൾ എന്നിവ കൃത്യമായി പരിശോധിക്കും. “ഓരോ വിസയിലും തീരുമാനമെടുക്കുന്നത് ഒരു ദേശീയ സുരക്ഷാ തീരുമാനമാണ്” എന്ന് വകുപ്പ് ആവർത്തിച്ചു, യുഎസ് വിസ “ഒരു അവകാശമല്ല, ഒരു പ്രത്യേകാവകാശമാണ്” എന്നും വ്യക്തമാക്കിയിട്ടുണ്ട്.
അപേക്ഷകർ അവരുടെ അക്കൗണ്ടുകളുടെ ചില ഭാഗങ്ങൾ സ്വകാര്യമായി സൂക്ഷിക്കുകയോ ഓൺലൈൻ സാന്നിധ്യം ഇല്ലാതിരിക്കുകയോ ചെയ്താൽ വിസ ലഭ്യമാകാതിരിക്കും. മാത്രമല്ല, ഏതെങ്കിലും ഉള്ളടക്കം യുഎസ് പൗരന്മാരോടോ സ്ഥാപനങ്ങളോടോ സംസ്കാരത്തോടോ ഉള്ള ശത്രുതയെ പ്രതിഫലിപ്പിക്കുന്നുണ്ടോ എന്നും, ഭീകര ഗ്രൂപ്പുകൾക്കുള്ള പിന്തുണ, സെൻസിറ്റീവ് യുഎസ് സാങ്കേതികവിദ്യ ആക്സസ് ചെയ്യാനോ ദുരുപയോഗം ചെയ്യാനോ ഉള്ള ശ്രമങ്ങൾ, അല്ലെങ്കിൽ യുഎസിൽ പ്രവേശിച്ചതിനുശേഷം തുടരാവുന്ന രാഷ്ട്രീയ പ്രവർത്തനത്തിന്റെ ഒരു രീതി എന്നിങ്ങനെ കർശന പരിശോധനയാണ് നടക്കുക.
2025 ജൂൺ അവസാനം മുതൽ എഫ്, എം, ജെ വിസ അപേക്ഷകർ (വിദ്യാർത്ഥികളും എക്സ്ചേഞ്ച് സന്ദർശകരും) ഈ നടപടിയിലൂടെ കടന്നുപോകുന്നുണ്ട്. അപേക്ഷകർ അവരുടെ പോസ്റ്റുകൾ, ഇടപെടലുകൾ, മൊത്തത്തിലുള്ള ഡിജിറ്റൽ പ്രവർത്തനം എന്നിവയെക്കുറിച്ച് കൂടുതൽ തീവ്രമായ അവലോകനം പ്രതീക്ഷിക്കണമെന്ന് ആഗോള ഇമിഗ്രേഷൻ നിയമ സ്ഥാപനമായ ഫ്രാഗോമെനിലെ സീനിയർ കൗൺസിലറായ മിച്ച് വെക്സ്ലർ പറഞ്ഞു.
അതേസമയം, വിപുലീകരിച്ച പരിശോധനകൾ കോൺസുലേറ്റുകളുടെ ഭാരം വർദ്ധിപ്പിക്കുമെന്ന് വിദഗ്ധർ മുന്നറിയിപ്പ് നൽകുന്നു. ” മാനദണ്ഡങ്ങൾ പ്രകാരം, അപേക്ഷകർക്ക് നീണ്ട പശ്ചാത്തല പരിശോധനകൾക്കും വിസ ഇഷ്യൂവിനായുള്ള കൂടുതൽ കാത്തിരിപ്പിനും സാധ്യത കൂടുതലാണ്. ഏറ്റവും കൂടുതൽ H-1B വിസ നേടുന്ന ഇന്ത്യക്കാർക്ക്, പ്രത്യേകിച്ച് ഐടി പ്രൊഫഷണലുകൾക്ക് ഇത് ഒരു ആശങ്കയായിരിക്കും. 2024 സാമ്പത്തിക വർഷത്തിൽ, ഏറ്റവുമധികം H-1B വിസ നേടിയത് ഇന്ത്യക്കാരാണെന്നും ഏകദേശം 80,500 പുതിയ H-1B വിസകൾ നേടിയതായും യുഎസ്സിഐഎസ് ഡാറ്റ കാണിക്കുന്നു.
US State Department announces that social media accounts of all H-1B and H-4 visa applicants will be subject to stricter scrutiny starting December 15
