വാഷിങ്ടൺ: ഇതര രാജ്യങ്ങളിലേക്ക് യുണൈറ്റഡ് സ്റ്റേറ്റ്സിൻ്റെ ആർട്ടിഫിഷ്യൽ ഇൻ്റലിജൻസ് (എഐ) ചിപ്പുകളിലേക്കും സാങ്കേതികവിദ്യയിലേക്കും കൂടുതൽ പ്രവേശനം പരിമിതപ്പെടുത്തുന്നതിനുള്ള നിയന്ത്രണങ്ങൾ നടപ്പാക്കാനൊരുങ്ങി ജോ ബൈഡൻ്റെ നേതൃത്വത്തിലുള്ള ഭരണകൂടം. നിലവിൽ ബ്രിട്ടൻ പോലുള്ള യുഎസിൻ്റെ ഏറ്റവും അടുത്ത സഖ്യകക്ഷികളിലേക്ക് പരിധിയില്ലാതെ പ്രവേശനം അനുവദിക്കുന്നുണ്ട്.
ചൈന ഉൾപ്പെടെയുള്ള മിക്ക രാജ്യങ്ങളിലേക്കും കയറ്റുമതി ചെയ്യാൻ കഴിയുന്ന എഐ ചിപ്പുകളുടെ എണ്ണം പരിമിതപ്പെടുത്താനും യുഎസ് ശ്രമിക്കുന്നു. ചൈനയെക്കൂടാതെ, റഷ്യ, ഇറാൻ, ഉത്തര കൊറിയ എന്നീ രാജ്യങ്ങളെയും യുഎസിൻ്റെ അത്യാധുനിക ചിപ്പുകൾ വാങ്ങുന്നതിൽ നിന്ന് തടയും.
2022 മുതൽ, ബൈഡൻ ഭരണകൂടം AI, അർദ്ധചാലക സാങ്കേതികവിദ്യകളിലേക്കുള്ള ചൈനയുടെ പ്രവേശനത്തിന് കടുത്ത നിയന്ത്രണങ്ങൾ ഏർപ്പെടുത്തിയിട്ടുണ്ട്. നിയന്ത്രണങ്ങൾ കർശനമാക്കുന്നതിനും സാങ്കേതികവിദ്യ ചൈനയിലേക്ക് വഴിതിരിച്ചുവിടാൻ സാധ്യതയുള്ള രാജ്യങ്ങളെ നിയന്ത്രിക്കുന്നതിനും വർഷം തോറും പുതിയ നിയന്ത്രണങ്ങൾ കൊണ്ടുവരാറുണ്ട്. പുതിയ മാനദണ്ഡങ്ങൾ 120 ദിവസത്തിനുള്ളിൽ പ്രാബല്യത്തിൽ വരുമെന്നാണ് പ്രതീക്ഷ. ട്രംപ് ഭരണകൂടം പുതിയ നിയമങ്ങൾ എങ്ങനെ നടപ്പാക്കുമെന്ന് ഉടനടി വ്യക്തമല്ല.
US Tightens Norms On AI Chips Export
