കുടിയേറ്റത്തോടുള്ള ട്രംപ് ഭരണകൂടത്തിന്റെ നയത്തെ അതിരൂക്ഷമായും പരസ്യമായി വിമർശിക്കുന്ന ഫ്രാൻസിസ് മാർപാപ്പയും അമേരിക്കൻ വൈസ് പ്രസിഡൻ്റ് ജെഡി വാൻസും ഞായറാഴ്ച റോമിൽ കൂടിക്കാഴ്ച നടത്തി. ഈസ്റ്റർ ആശംസകൾ കൈമാറി.
2019 ൽ റോമൻ കത്തോലിക്കാ വിഭാഗത്തിലേക്ക് പരിവർത്തനം ചെയ്ത വാൻസ്, മുതിർന്ന വത്തിക്കാൻ ഉദ്യോഗസ്ഥരുമായി കൂടിക്കാഴ്ച നടത്തി.
മാരകമായ ന്യൂമോണിയ ബാധിച്ച് സുഖം പ്രാപിച്ചുകൊണ്ടിരിക്കുന്ന ഫ്രാൻസിസ് പാപ്പ അദ്ദേഹം താമസിക്കുന്ന വത്തിക്കാൻ ഹോട്ടലിലെ സ്വീകരണ മുറികളിലൊന്നിൽ വാൻസിനെ സ്വീകരിച്ചു. 88 കാരനായ പാപ്പ വാൻസിന്റെ മൂന്ന് കൊച്ചുകുട്ടികൾക്കായി മൂന്ന് വലിയ ചോക്ലേറ്റ് ഈസ്റ്റർ മുട്ടകളും വത്തിക്കാൻ ടൈയും ജപമാലയും വൈസ് പ്രസിഡന്റിന് സമ്മാനമായി നൽകി. വാൻസ് മാത്രമാണ് പാപ്പയെ കണ്ടത്, ഭാര്യയും കുട്ടികളും കൂടിക്കാഴ്ചയിൽ പങ്കെടുത്തില്ല.
“താങ്കൾക്ക് സുഖമില്ലെന്ന് എനിക്കറിയാം, പക്ഷേ താങ്കളെ മെച്ചപ്പെട്ട ആരോഗ്യത്തോടെ കണ്ടതിൽ സന്തോഷമുണ്ട്. എന്നെ കാണാൻ മനസ്സുകാട്ടിയതിൽ സന്തോഷം” – വാൻസ് പോപ്പിനോട് പറഞ്ഞു.
“ഈസ്റ്റർ ആശംസകൾ കൈമാറാൻ” ഡോമസ് സാന്താ മാർട്ടയിൽ ഇരുവരും കുറച്ച് മിനിറ്റ് കൂടിക്കാഴ്ച നടത്തിയതായി വത്തിക്കാൻ പറഞ്ഞു. വാൻസിന്റെ ഓഫീസ് അവർ കൂടിക്കാഴ്ച നടത്തിയതായി സ്ഥിരീകരിച്ചു, പക്ഷേ കൂടുതൽ വിവരങ്ങൾ നൽകിയിട്ടില്ല. മൊത്തത്തിൽ, വാൻസിന്റെ വാഹനവ്യൂഹം 17 മിനിറ്റ് വത്തിക്കാൻ പ്രദേശത്ത് ഉണ്ടായിരുന്നു.
പിന്നീട് റോമിലെ നാല് പൊന്തിഫിക്കൽ ബസിലിക്കകളിൽ ഒന്നായ സെന്റ് പോൾ ഔട്ട്സൈഡ് ദി വാൾസിൽ ഈസ്റ്റർ കുർബാനയ്ക്കായി വാൻസ് കുടുംബത്തോടൊപ്പം ചേർന്നു. അവിടെ സ്ഥിതിചെയ്യുന്ന അപ്പോസ്തലനായ സെന്റ് പോളിന്റെ ശവകുടീരം വാൻസ് സന്ദർശിച്ചു.
Vice president Vance met Pope Francis on Easter Sunday at Vatican
