ഒഹായോ സംസ്ഥാനത്തെ നിവാസികൾക്കിടയിൽ സോഷ്യൽ മീഡിയയിൽ വൈറലായ ഒരു പോസ്റ്റ് വലിയ വിവാദമാണ് സൃഷ്ടിച്ചത്. ഇന്ത്യൻ-അമേരിക്കൻ ഹോട്ടൽ ഉടമകൾക്ക് 16.77 ലക്ഷം ഡോളറിന്റെ (1.677 മില്യൺ) സ്മോൾ ബിസിനസ് അഡ്മിനിസ്ട്രേഷൻ (SBA) വായ്പ ലഭിച്ചതായാണ് പോസ്റ്റിലെ ആരോപണം. സംസ്ഥാനത്ത് പ്രോപ്പർട്ടി നികുതി ഉയരുന്ന സാഹചര്യത്തിൽ അമേരിക്കൻ നികുതിദാതാക്കളുടെ പണം എങ്ങനെ ചെലവഴിക്കപ്പെടുന്നു എന്നതിനെക്കുറിച്ചും ചോദ്യങ്ങൾ ഉയർന്നിട്ടുണ്ട്.
ഇവിടെയാണ് ഒഹായോ നികുതിദാതാക്കളുടെ പണം പോകുന്നത്. ഇന്ത്യൻ ഹോട്ടൽ ഉടമകൾക്ക് SBA വായ്പ – 16,77,000 ഡോളർ’ എന്നായിരുന്നു X (മുൻ ട്വിറ്റർ) പ്ലാറ്റ്ഫോമിൽ ഒരാൾ കുറിച്ചത്. USAspending.gov പോലുള്ള വെബ്സൈറ്റുകളിൽ നിന്നുള്ള ഫെഡറൽ ചെലവ് രേഖകളുടെ സ്ക്രീൻഷോട്ടുകളും പോസ്റ്റിനൊപ്പം പങ്കുവച്ചിട്ടുണ്ട്. കെയിംബ്രിഡ്ജിലെ മൈക്രോടെൽ ഇൻ & സ്യൂട്ട്സ് ഉൾപ്പെടെയുള്ള ഹോട്ടലുകളുമായി ബന്ധപ്പെട്ട കമ്പനിക്കാണ് വായ്പ നൽകിയതെന്നാണു സൂചന.
ഉടമസ്ഥാവകാശ രേഖകൾ പ്രകാരം ഈ സ്ഥാപനത്തിന് ഇന്ത്യൻ-അമേരിക്കൻ ഹോട്ടൽ മേഖലയുമായി ബന്ധപ്പെട്ട് സാധാരണയായി കാണുന്ന പട്ടേൽ കുടുംബവുമായി ബന്ധമുണ്ടെന്നാണ് റിപ്പോർട്ട്. ഇത് ഒറ്റപ്പെട്ട സംഭവമല്ല. ഏഷ്യൻ അമേരിക്കൻ ഹോട്ടൽ ഓണേഴ്സ് അസോസിയേഷൻ (AAHOA) പ്രകാരം, അമേരിക്കയിലെ മൊത്തം ഹോട്ടലുകളുടെ ഏകദേശം 60 ശതമാനവും ഇന്ത്യൻ-അമേരിക്കൻ ഉടമസ്ഥതയിലാണുള്ളത്. ഏകദേശം 34,000-ത്തിലധികം ഹോട്ടലുകളാണ് ഇതിൽ ഉൾപ്പെടുന്നത്.
കുടുംബസമ്പാദ്യവും കമ്മ്യൂണിറ്റി നെറ്റ്വർക്കുകളും SBA വായ്പകളും ഉപയോഗിച്ചാണ് ഇവയിൽ പലതും ആരംഭിച്ചതാണെന്ന് സംഘടന പറയുന്നു.1970കളിൽ ഇന്ത്യയിലെ ഗുജറാത്തിൽ നിന്നുള്ള കുടിയേറ്റക്കാർ അമേരിക്കയിലുടനീളം തകർച്ച നേരിട്ട ഹോട്ടലുകൾ വാങ്ങി കുടുംബ ബിസിനസുകളാക്കി മാറ്റിയതോടെയാണ് ഈ പ്രവണത ശക്തമായത്. പിന്നീട് ഇത് അമേരിക്കൻ ഹോസ്പിറ്റാലിറ്റി മേഖലയിലെ വലിയൊരു ശക്തിയായി മാറുകയും രാജ്യത്തിന്റെ സമ്പദ്വ്യവസ്ഥയ്ക്ക് ബില്യൺ ഡോളറുകളുടെ സംഭാവന നൽകുകയും ചെയ്തു.
എന്നാൽ, ചില MAGA പ്രവർത്തകർ ഇത്തരം വായ്പാ പദ്ധതികൾ പ്രാദേശിക ബിസിനസ് ഉടമകളെക്കാൾ പുതിയ കുടിയേറ്റക്കാർക്ക് അനുകൂലമാണെന്ന് ആരോപിക്കുന്നു. സോഷ്യൽ മീഡിയയിൽ പലരും ഇത്തരം വായ്പകൾ നിയമപരമാണോയെന്നും ചോദിക്കുന്നു. “SBA വായ്പകൾ ചെറുകിട അമേരിക്കൻ ബിസിനസുകൾക്കായുള്ളതാണ്, ഇതിനകം സ്ഥാപിതമായ വലിയ കമ്പനികൾക്കല്ല. ഇത് എങ്ങനെ നിയമപരമാണ്?” എന്നാണ് ഒരാൾ ചോദിച്ചത്.
നല്ല ചോദ്യം. ഇവർ PPP വായ്പകളും വലിയ തോതിൽ എടുത്തിട്ടുണ്ട്. ഞാൻ ഇതുവരെ സ്ഥിരീകരിച്ചിട്ടില്ലെങ്കിലും, ഈ ഗ്രൂപ്പ് ദേശീയതലത്തിൽ പ്രവർത്തിക്കുന്നുണ്ടെന്നാണ് കണ്ടെത്തിയെന്നത് എന്ന് ഇതിന് മറുപടിയായി, പോസ്റ്റ് പങ്കുവച്ചയാൾ പറഞ്ഞു. മറ്റൊരു ഉപയോക്താവ്, “ന്യൂയോർക്കിലെ ഭൂരിഭാഗം പെട്രോൾ പമ്പുകളും പല ഹോട്ടലുകളും ഇന്ത്യൻ പൗരന്മാരുടെ ഉടമസ്ഥതയിലാണെന്ന്” ആരോപിച്ചു. ഇതിന് മറുപടിയായി, “എല്ലാം വിറ്റുപോയി (We were sold out)” എന്നായിരുന്നു മറ്റൊരാളുടെ പ്രതികരണം.
A viral post on X has stirred a row among Ohio residents, claiming that a hefty $1.677 million Small Business Administration (SBA) loan went to Indian hotel owners.
