സാൻ ഫ്രാൻസിസ്കോ: യുഎസിലെ സാൻ ഫ്രാൻസിസ്കോ അന്താരാഷ്ട്ര വിമാനത്താവളത്തിൽ എയർ ഇന്ത്യ തങ്ങളുടെ സിഗ്നേച്ചർ ‘മഹാരാജ ലോഞ്ച്’ യാഥാർത്ഥ്യമാക്കി. വിമാനത്താവളത്തിലെ ഇൻ്റർനാഷണൽ ടെർമിനലിൽ 3,300 ചതുരശ്ര അടി വിസ്തീർണ്ണത്തിൽ ഒരുക്കിയിരിക്കുന്ന ഈ അത്യാധുനിക ലോഞ്ച് മെയ് 23 മുതൽ യാത്രക്കാർക്കായി തുറന്നുകൊടുക്കും.
ഒരേസമയം 80 പേർക്ക് ഇരിക്കാൻ സൗകര്യമുള്ള ലോഞ്ചിൽ എയർ ഇന്ത്യയുടെ ഫസ്റ്റ് ക്ലാസ്, ബിസിനസ് ക്ലാസ് യാത്രക്കാർക്കും ‘മഹാരാജ ക്ലബ്’ പ്ലാറ്റിനം, ഗോൾഡ് അംഗങ്ങൾക്കും പ്രവേശനം ലഭിക്കും. ഫസ്റ്റ് ക്ലാസ് യാത്രക്കാർക്കായി കൂടുതൽ സ്വകാര്യതയുള്ള പ്രത്യേക വിഭാഗവും ഇവിടെയുണ്ട്.
ആധുനിക സൗകര്യങ്ങളും ഇന്ത്യൻ ആതിഥേയത്വവും സമന്വയിപ്പിച്ച് ടാറ്റ ഗ്രൂപ്പിൻ്റെ കീഴിലുള്ള എയർ ഇന്ത്യ നടത്തുന്ന നവീകരണ പ്രവർത്തനങ്ങളുടെ ഭാഗമായാണ് ഈ പുതിയ ലോഞ്ച് തുറന്നിരിക്കുന്നത്. ഡൽഹിക്ക് ശേഷം എയർ ഇന്ത്യ ആരംഭിക്കുന്ന രണ്ടാമത്തെ സിഗ്നേച്ചർ മഹാരാജ ലോഞ്ചാണിത്. വൈവിധ്യമാർന്ന ഇന്ത്യൻ-അന്തർദ്ദേശീയ ഭക്ഷണങ്ങൾ ലഭിക്കുന്ന ലൈവ് കൗണ്ടറുകളും ബാറും ഇതിൻ്റെ പ്രത്യേകതകളാണ്.
Air India’s new ‘Maharaja Lounge’ opens in San Francisco
