കേരള നിയമസഭാ തിരഞ്ഞെടുപ്പിനുള്ള ബിജെപിയുടെ 47 അംഗ ആദ്യ സ്ഥാനാർത്ഥി പട്ടിക പ്രഖ്യാപിച്ചു. സംസ്ഥാന അധ്യക്ഷൻ രാജീവ് ചന്ദ്രശേഖർ തിരുവനന്തപുരത്തെ നിർണ്ണായക മണ്ഡലമായ നേമത്ത് മത്സരിക്കും. മുൻ അധ്യക്ഷൻ കെ സുരേന്ദ്രൻ മഞ്ചേശ്വരത്ത് നിന്ന് ജനവിധി തേടുമ്പോൾ, കഴക്കൂട്ടത്ത് വി. മുരളീധരനും വട്ടിയൂർക്കാവിൽ മുൻ ഡിജിപി ആർ. ശ്രീലേഖയും മത്സരിക്കും. തൃശൂരിൽ പത്മജ വേണുഗോപാലും പാലക്കാട് ശോഭാ സുരേന്ദ്രനുമാണ് പട്ടികയിലിടം പിടിച്ച പ്രമുഖ വനിതകൾ.
പൂഞ്ഞാറിൽ പി.സി. ജോർജും പാലായിൽ മകൻ ഷോൺ ജോർജും ബിജെപി ടിക്കറ്റിൽ മത്സരിക്കുന്നുവെന്നതാണ് പട്ടികയിലെ മറ്റൊരു ശ്രദ്ധേയമായ കാര്യം. സിപിഎം വിട്ട മുൻ എംഎൽഎ എസ്. രാജേന്ദ്രൻ ദേവികുളത്തും കേന്ദ്രമന്ത്രി ജോർജ് കുര്യൻ കാഞ്ഞിരപ്പള്ളിയിലും മത്സരിക്കും. ഒട്ടപ്പാലത്ത് മേജർ രവിയും കോഴിക്കോട് നോർത്തിൽ നവ്യ ഹരിദാസും സ്ഥാനാർത്ഥികളാണ്. പട്ടികയിൽ ആകെ ഏഴ് വനിതകളാണ് ഇടംപിടിച്ചിട്ടുള്ളത്.
കാട്ടാക്കടയിൽ പി.കെ. കൃഷ്ണദാസും ഹരിപ്പാട് സന്ദീപ് വചസ്പതിയും തിരുവല്ലയിൽ അനൂപ് ആന്റണിയും ജനവിധി തേടും. ഷൊർണ്ണൂരിൽ ശങ്കു ടി. ദാസും മലമ്പുഴയിൽ സി. കൃഷ്ണകുമാറുമാണ് സ്ഥാനാർത്ഥികൾ. കോട്ടാരക്കരയിൽ ആർ. രശ്മിയും വൈക്കത്ത് കെ. അജിത്തും മത്സരിക്കും. പ്രധാന നേതാക്കളെയെല്ലാം ഉൾപ്പെടുത്തിക്കൊണ്ടുള്ള ഈ പട്ടികയിലൂടെ ശക്തമായ ത്രികോണ മത്സരത്തിനാണ് ബിജെപി ലക്ഷ്യമിടുന്നത്.
ബിജെപിയുടെ ആദ്യ ഘട്ട സ്ഥാനാർത്ഥി പട്ടിക
- മഞ്ചേശ്വരം – കെ സുരേന്ദ്രൻ
- ഉദുമ -മനുലാൽ മേലോത്ത്
- കാഞ്ഞങ്ങാട് – ബൽരാജ് എം
- പയ്യന്നൂർ – എ പി ഗംഗാധരൻ
- അഴീക്കോട് – കെ കെ വിനോദ് കുമാർ
- കണ്ണൂർ – സി രഘുനാഥ്
- മാനന്തവാടി – പി ശ്യാം രാജ്
- സുൽത്താൻബത്തേരി- കവിത എ എസ്
- വടകര – അഡ്വ. കെ ദിലീപ്
- കുറ്റ്യാടി – രാമദാസ് മണലേരി
- നാദാപുരം – സി പി വിപിൻ ചന്ദ്രൻ
- കൊയിലാണ്ടി – സി ആർ പ്രഫുൽ കൃഷ്ണൻ
- പേരാമ്പ്ര – എം മോഹനൻ മാസ്റ്റർ
- ബാലുശ്ശേരി – സി പി സതീശൻ
- എലത്തൂർ – ടി ദേവദാസ്
- കോഴിക്കോട് നോർത്ത് – നവ്യ ഹരിദാസ്
- കോഴിക്കോട് സൗത്ത് – ടി റനീഷ്
- ബേപ്പൂർ – അഡ്വ. കെ പി പ്രകാശ് ബാബു
- കുന്നമംഗലം – വി കെ സജീവൻ
- ഷൊർണൂർ – സങ്കു ടി ദാസ്
- ഒറ്റപ്പാലം – മേജർ രവി
- മലമ്പുഴ – സി കൃഷ്ണകുമാർ
- പാലക്കാട് – ശോഭാ സുരേന്ദ്രൻ
- ചേലക്കര – കെ ബാലകൃഷ്ണൻ
- മണലൂർ – അഡ്വ. കെ കെ അനീഷ് കുമാർ
- തൃശൂർ – പത്മജ വേണുഗോപാൽ
- ഇരിഞ്ഞാലക്കുട –സന്തോഷ് ചെറക്കുളം
- ദേവികുളം – എസ്. രാജേന്ദ്രൻ
- പാലാ – ഷോൺ ജോർജ്
- വൈക്കം- കെ അജിത്ത്
- കാഞ്ഞിരപ്പള്ളി – അഡ്വ. ജോർജ് കുര്യൻ
- പൂഞ്ഞാർ – പി സി ജോർജ്ജ്
- അമ്പലപ്പുഴ -അരുൺ അനിരുദ്ധൻ
- ഹരിപ്പാട് – സന്ദീപ് വാചസ്പതി
- ചെങ്ങന്നൂർ – എം വി ഗോപകുമാർ
- തിരുവല്ല – അനൂപ് ആൻ്റണി ജോസഫ്
- കരുനാഗപ്പള്ളി –വി എസ് ജിതിൻ ദേവ്
- കുന്നത്തൂർ – രാജി പ്രസാദ്
- കൊട്ടാരക്കര – ആർ രശ്മി
- ചാത്തന്നൂർ – ബി ബി ഗോപകുമാർ
- ആറ്റിങ്ങൽ – അഡ്വ. പി സുധീർ
- നെടുമങ്ങാട് – യുവരാജ് ഗോകുൽ
- കഴക്കൂട്ടം – വി മുരളീധരൻ
- വട്ടിയൂർക്കാവ് – ആർശ്രീലേഖ
- നേമം – രാജീവ് ചന്ദ്രശേഖർ
- പാറശ്ശാല – അഡ്വ. ഗിരീഷ് നെയ്യാർ
- കാട്ടാക്കട – പി കെ കൃഷ്ണദാസ്
BJP releases first candidate list for Kerala; Rajeev Chandrasekhar in Nemom and K Surendran in Manjeshwar
