സി സി മുകുന്ദന്‍ ബിജെപി അം​ഗത്വമെടുത്തു; നാട്ടികയിൽ ബിജെപി സ്ഥാനാർത്ഥിയാകും, മുകുന്ദനെ ബിജെപി നെഞ്ചോട് ചേര്‍ത്ത് പിടിക്കുമെന്ന് എ എന്‍ രാധാകൃഷ്ണന്‍

സിപിഐ വിട്ട തൃശൂര്‍ നാട്ടികയിലെ സിറ്റിങ് എംഎല്‍എ സി സി മുകുന്ദന്‍ കോണ്‍ഗ്രസ് പിന്തുണയ്ക്കില്ല എന്ന് അറിഞ്ഞതോടെ ബിജെപിയില്‍ ചേർന്നു. ബിജെപി സംസ്ഥാന വൈസ് പ്രസിഡന്റ് എ എന്‍ രാധാകൃഷ്ണന്‍ ഷാള്‍ അണിയിച്ച് സിസി മുകുന്ദനെ പാര്‍ട്ടിയിലേക്ക് സ്വീകരിച്ചു. ഉച്ചയോടെ തൃശൂരിലെ ബിജെപി ജില്ലാ കമ്മിറ്റി ഓഫിസായ നമോ ഭവനിലെത്തിയാണ് സിസി മുകുന്ദന്‍ ബിജെപിയില്‍ അംഗത്വം സ്വീകരിച്ചത്. എ എന്‍ രാധാകൃഷ്ണനൊപ്പം മുതിര്‍ന്ന ബിജെപി നേതാവ് ബി ഗോപാലകൃഷ്ണനും സി സി മുകുന്ദനെ ബിജെപിയിലേക്ക് സ്വീകരിച്ചു. കോണ്‍ഗ്രസ് കൈവിട്ടതോടെയാണ് സിസി മുകുന്ദന്‍ ബിജെപി പാളയത്തിലേക്ക് എത്തുന്നത്.

പിന്തുണ നല്‍കേണ്ടതില്ലെന്ന് കോണ്‍ഗ്രസ് തീരുമാനിച്ചതോടെ ബിജെപി വച്ചുനീട്ടിയ സീറ്റ് മുകുന്ദന്‍ സ്വീകരിക്കുകയായിരുന്നു. കമ്മ്യൂണിസ്റ്റ് മൂല്യങ്ങളിലുറച്ച് ഇപ്പോഴും വളരെ സാധാരണ ജീവിതം നയിച്ചുവരുന്ന മുകുന്ദനെ സ്വന്തം പാര്‍ട്ടി കൈവിട്ടതിനാല്‍ ബിജെപി നെഞ്ചോട് ചേര്‍ത്ത് പിടിക്കുന്നുവെന്ന് എ എന്‍ രാധാകൃഷ്ണന്‍ പറഞ്ഞു. കോണ്‍ഗ്രസ് പിന്തുണക്കില്ലെന്ന് അറിയിച്ചതോടെ ബിജെപി സിസി മുകുന്ദനെ പാര്‍ട്ടിയിലേക്ക് എത്തിക്കാനുള്ള ശ്രമം ആരംഭിച്ചിരുന്നു.

C.C. Mukundan joins BJP; A.N. Radhakrishnan says BJP will hold Mukundan close to its heart